БГНЕС: Николоски една година ја напаѓаше Бугарија, а сега се слика со насмевка во Ѓуешево

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

БГНЕС: Николоски една година ја напаѓаше Бугарија, а сега се слика со насмевка во Ѓуешево

14 ноември 2025

• од Станча Јаќимовски

По потпишувањето на договорот за изградба на тунелот што треба да ја поврзе Бугарија и Македонија, бугарската новинска агенција БГНЕС објави остри критики кон македонскиот министер за транспорт и врски, Александар Николоски. Според агенцијата, историскиот чин во Ѓуешево не може да ја прикрие долготрајната недоверба околу исполнувањето на заедничките инфраструктурни проекти.

БГНЕС потсетува дека и претходно имало свечени почетоци, „први лопати“ и политички ветувања, но резултатите ретко стигнувале до последната фаза. Затоа, според нив, останува да се види дали Македонија овојпат навистина ќе го реализира договорот со Софија.

Во текстот, чиј автор е уредникот на редакцијата за надворешна политика на БГНЕС, Димитар Русков, се опишува „метаморфозата“ на Николоски во односите со источниот сосед. Русков наведува дека за една година министерот го поминал патот од Скопје до Софија „но не преку Деве Баир“, алудирајќи на политичкиот зафат, а не на физичката инфраструктура.

И покрај тоа што Николоски во минатото ги нарекувал Бугарите „нецивилизирани бедници“, а неговиот претседател на партијата, Христијан Мицкоски, ја квалификувал железничката врска по Коридорот 8 како „лудило“, денес – пишува БГНЕС – министерот се фотографира со насмевка на станицата Ѓуешево, славејќи го договорот за истиот тој проект.

„Се смени реториката, се смени позата пред камерите. Уникатното лицемерие на политичката 'елита' во Скопје по сите линии, дури и во железничките проекти, сепак остана непроменето“, коментира Русков.

Во анализата се додава дека од самиот почеток на новата владина администрација Николоски бил насочен кон тврд став и агресивна реторика против Бугарија, како и против реализацијата на Коридорот 8 – проект кој со децении е дел од европските инфраструктурни приоритети.

БГНЕС заклучува дека, иако сега постои формален договор за тунелот кој треба да ја подобри поврзаноста помеѓу двете земји, довербата меѓу страните останува кревка, а политичкиот дискурс во Скопје – според нив – и понатаму е исполнет со недоследност.