Битиќи: Извештајот на ЕУ е огледало на Македонија

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Битиќи: Извештајот на ЕУ е огледало на Македонија – нема напредок во реформите

06 ноември 2025

• од Станча Јаќимовски

Пратеникот на СДСМ, Фатмир Битиќи, го оцени најновиот извештај на Европската комисија за Македонија како „пасош на реалноста“ – документ кој, според него, јасно ја одразува состојбата во која се наоѓа државата, управувана од влада што, како што вели, гради политички капитал преку ксенофобични наративи и провинциски балкански комодитет.

„Влада која гради политички капитал со ксенофобични наративи и со провинциска балканска удобност не може да испорача резултати што ги признава Европската унија“, изјави Битиќи, коментирајќи го извештајот за 2025 година. Тој нагласува дека ваквите политики веќе 18 месеци ја моделираат политичката и економската сцена, создавајќи институции имуни на реформи, каде јавните пари се претвораат во инструмент за краткорочна лојалност, наместо во средство за долгорочна економска вредност.

Нема напредок во правосудството и борбата против корупцијата

Битиќи смета дека Европската комисија прецизно го бележи она што сите веќе го знаат – дека нема напредок во реформите на судството и во борбата против корупцијата. Тој укажува на загрижувачка зависност на судскиот систем, недостиг на кадар и системски слабости што бараат конкретни решенија: нов Закон за парнична постапка, зајакнување на Судскиот совет во согласност со препораките на Венецијанската комисија и целосна функционалност на системот ACMIS.

Иако државата го задржува високото ниво на усогласеност со заедничката надворешна и безбедносна политика на ЕУ – што, според него, е стратегиски плус – застојот и изолацијата на внатрешните реформи го неутрализираат позитивниот геополитички сигнал кон Унијата.

Економијата без доверлива методологија

Во економската сфера, Битиќи гледа јасна порака од Европската комисија – дека македонската економија нема доверлива методологија. „Тоа значи дека правилата, процедурите и мерките според кои се креираат економските политики треба да бидат јасни, јавни и доследно применувани, за резултатите да бидат предвидливи и проверливи, а не импровизирани“, вели тој.

Извештајот, додава Битиќи, јасно покажува дека фискалната политика се темели на премногу оптимистички претпоставки, дека препораките од европскиот економски дијалог се спроведуваат само делумно, а вмешувањето во независноста на клучните институции создава несигурност и ја поткопува економската стабилност.

Заклучок

Според Битиќи, извештајот на ЕУ е јасен сигнал дека државата мора да излезе од матрицата на ксенофобичен национализам и импровизација, и да се насочи кон вистински институционални и економски реформи што ќе ја приближат Македонија кон европското семејство. „Сè додека се гради политика врз поделби и лажна стабилност, ќе останеме заглавени во сопствената сенка“, заклучува тој.