Битиќи: Владата не обезбедува средства за плати од 100.000 денари за пожарникарите во ребалансот на Буџетот

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Битиќи: Владата не обезбедува средства за плати од 100.000 денари за пожарникарите во ребалансот на Буџетот

11 јули 2025

• од Станча Јаќимовски

Во своето гостување во емисијата „Вин-Вин“ на телевизија Телма, пратеникот од СДСМ, Фатмир Битиќи, остро ја критикуваше Владата поради начинот на кој е креиран ребалансот на Буџетот, посочувајќи дека тој не ги одразува приоритетните потреби на граѓаните, особено во услови на кризи и пожари.

Битиќи посочи дека пожарникарите, кои секојдневно се на терен и ризикуваат животи, сè уште немаат основни услови за работа, ниту пристојна плата. Тој оцени дека со малку волја и вистинска распределба на средствата, овие храбри луѓе би можеле да добиваат по 100.000 денари месечно.

„Во време кога гори цела држава, а 3.000 луѓе со дијабетес чекаат инсулински пумпи и сензори, Владата останува глува за најважните потреби. Наместо да вложува во човечки животи и основни услови за работа, гледаме расфрлање со буџетските пари без визија и без чувство за приоритет. А веќе имаме два изгубени животи во пожарите“, изјави Битиќи.

Тој ја критикуваше и фискалната структура на ребалансот, нарекувајќи ја ризична и нестабилна. Според него, фактот што само 71% од приходите се од сигурни извори, како даноци и неданочни приходи, а 29% се неизвесни, покажува на финансиска импровизација наместо стабилна политика.

„Дома ако ви требаат 100 денари, а само 71 сигурно ви доаѓаат, а за останатите не знаете дали ќе ги позајмите или нешто ќе продадете – тоа е проблем. Владата си игра со непредвидливи средства“, предупреди Битиќи.

Како дополнителна причина за загриженост, тој го посочи отсуството на министерката за финансии на седниците за ребалансот во Собранието. Тој ова го интерпретира како знак на несогласување со проекциите во буџетот или како обид за избегнување на политичка одговорност.

„Веќе втор пат министерката не присуствува на расправа за ребаланс. Дали не се согласува со бројките? Или не сака да ги брани? Владата треба да даде одговор“, изјави Битиќи.

Тој заклучи дека ваквиот пристап создава сериозни макроекономски ризици и демонстрира дезориентирана фискална политика која не одговара на реалните потреби на граѓаните.

Прашај го ChatGPT