Бившиот бугарски амбасадор со критики за Мицкоски: „Го влече лавот за опашка“

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Бившиот бугарски амбасадор со критики за Мицкоски: „Го влече лавот за опашка“

14 јули 2025

• од Станча Јаќимовски

Политичката клима во Северна Македонија се заострува, оценува поранешниот амбасадор на Бугарија во земјата, Ангел Ангелов. Во изјава за бугарската телевизија БТВ, тој остро го критикува однесувањето на премиерот Христијан Мицкоски кон бугарскиот министер за надворешни работи и вели дека тоа не е однесување соодветно за 21 век.

„Мицкоски се однесува крајно непримерно и грубо кон нашиот министер. Тоа е недозволиво во современата дипломатија“, истакна Ангелов. Тој додаде дека официјална Софија е навредена од изјавите на македонскиот премиер, кој ја нарече Бугарија „источен сосед“, што според него покажува недостаток на почит и разбирање.

Според Ангелов, Скопје одбива да воспостави нормален дијалог со Софија и комуникацијата од македонска страна не е на соодветно ниво. „Не се потребни извинувања, туку враќање на здрав дијалог“, рече тој.

Бившиот дипломат потенцираше и дека во Северна Македонија има широко распространето мислење дека Бугарија има „втор, трет и четврт план“ за да ја спречи македонската интеграција во Европската Унија. Тој остро се спротивстави на таквите тврдења и посочи: „На Балканот има еден лав – тоа е Бугарија. Тоа е нашиот симбол. Очигледно е кој е лавот на Балканот. Но, Мицкоски сега го влече лавот за опашката – тоа не е стил за 21 век.“

Ангелов, исто така, предупреди на силното руско влијание во Северна Македонија, за кое вели дека го поддржува политичкиот елитизам во земјата и ја оддалечува од евроатлантскиот пат. Според него, целта на ваквата реторика од страна на македонската влада е мобилизација на поддршка пред локалните избори закажани за октомври.

„Македонското општество е постојано изложено на негативна пропаганда. Тоа е опасен тренд, кој може да има долгорочни последици“, заклучи Ангелов.

Изјавите на Ангелов доаѓаат во период на зголемени тензии меѓу Скопје и Софија, што уште еднаш ја отвора прашањето за стабилноста на добрососедските односи во регионот.