Боби Илиевски: Луѓето молат за поддршка, а државата и медиумите молчат како ништо да не се случува

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Боби Илиевски: Луѓето молат за поддршка, а државата и медиумите молчат како ништо да не се случува

24 април 2025

• од Вардарски

На улиците – луѓе. Со болка, со решителност, со гнев. Родители, граѓани, млади, стари – сите со едно прашање во очите: „Ќе има ли конечно правда во оваа држава?“ Одговорот, засега, е тишина.

„Луѓето буквално молат за поддршка“ – напиша новинарот Боби Илиевски во јавен став објавен преку социјалната мрежа Фејсбук, реагирајќи на целосната институционална и медиумска тишина што ги обвива протестите на граѓаните.

Тој остро ја критикува улогата на медиумите, потенцирајќи дека, освен Инфомакс, речиси ниту еден медиум не известува за случувањата. Сликата од улица, вели тој, останува непозната за пошироката јавност, бидејќи молкот е избор – намерен, свесен и срамен.

Дополнително, Илиевски упати критика кон ВМРО-ДПМНЕ, велејќи дека наместо да ги сослуша родителите и протестантите, партијата избира да ги напаѓа. „Луѓето кои се жртви на системот се претставени како непријатели“, пишува тој, додавајќи дека тоа е уште еден доказ за длабокиот морален пад на политичката сцена.

„Одговорност и правда нема. Ниту еден актуелен функционер не е уапсен“, нагласува Илиевски во објавата, алудирајќи на фактот дека дури и кога се појавуваат обвиненија, тие се „штелуваат“ така што осомничените остануваат на слобода. Се поднесуваат само колку за да се каже дека нешто се прави, а всушност – ништо не се менува.

„Ова веќе не е политика – ова е борба за елементарна човечност“, заклучува тој. А додека улиците зборуваат, институциите молчат. Прашањето е – до кога?