Борел со силна порака: Европа го познава Османи како лидер што испорачува

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Борел со силна порака: Европа го познава Османи како лидер што испорачува

27 август 2025

• од Станча Јаќимовски

Високиот претставник на Европската унија за надворешна и безбедносна политика и потпретседател на Европската комисија, Жозеп Борел, преку видео порака упати силна поддршка за кандидатот на Националната Алијанса за Интеграција за општина Чаир, Бујар Османи, оценувајќи го со највисоки суперлативи неговото лидерство и посветеност.

Соработка и лидерство

Обраќајќи им се на жителите на Чаир, Борел истакна дека му претставувало големо задоволство што имал можност да соработува со Османи во изминатите години. „Големо задоволство е за мене да говорам за човек со кој тесно соработував повеќе години. Како министер за надворешни работи на Северна Македонија и како претседавач на ОБСЕ, тој покажа лидерство, визија и длабока посветеност кон дијалогот и соработката“, изјави Борел.

Визија и градење мостови

Во својата порака, Борел нагласи дека бил особено импресиониран од способноста на Османи да слуша, да гради мостови и да пронаоѓа решенија – квалитети кои, според него, се клучни не само во дипломатијата, туку и во локалното управување.

„Знам колку силно верува тој во спроведувањето на ветувањата на Европа на локално ниво. Неговото искуство со европските институции ќе му помогне на Чаир да има корист од европските фондови и можности, за подобра инфраструктура, подобар образовен систем, повеќе работни места и подобри услуги“, додаде високиот претставник на ЕУ.

Европа го познава Османи

Борел потсети дека Европа веќе го препознава Османи како лидер кој реализира и нагласи дека токму тие квалитети се неопходни на локално ниво.

„Верувам дека жителите на Чаир ќе го препознаат како градоначалник кој слуша, кој обединува и кој носи напредок за секој жител. Го подигна гласот на својот народ на меѓународната сцена. Сега си подготвен да ја донесеш истата посветеност на улиците и во населбите на Чаир“, рече Борел.

На крајот, тој испрати поздрав од својот роден Сантандер и му посака успех на Османи во, како што рече, „важната мисија“ што претстои.