Бримора: Без компромис, шансите за интеграција на Македонија во ЕУ ќе се намалат

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Бримора: Без компромис, шансите за интеграција на Македонија во ЕУ ќе се намалат

02 февруари 2025

• од Гоце Кически

Македонија мора да демонстрира дипломатска зрелост и политичка решителност во решавањето на спорот со Бугарија за да го забрза својот пат кон Европската Унија. Ова е пораката на амбасадорот на Полска, Мариуш Бримора, кој нагласи дека клучот за решението лежи во добрата волја и определбата за реформи.

Во интервју за телевизија „Сител“, Бримора истакна дека спорот меѓу Скопје и Софија е билатерално прашање кое треба да се реши на заедничка маса. Според него, прифаќањето на компромис е суштинско за европската перспектива на Македонија.

Амбасадорот се осврна и на стравувањата во македонското општество за евентуални нови барања од страна на Бугарија по измените во Уставот. Според него, такви гаранции не може да бидат дадени писмено, но уверувањата од бугарска страна и досегашните изјави дека нема да има нови услови треба да се земат предвид.

„Со одложена имплементација, никој не може да ви даде гаранција. Но, Софија повеќепати изјави дека нема да има нови барања. Можеби е време да се направи проверка на нивната добра волја и да се продолжи со конструктивен дијалог,“ изјави Бримора.

Како дел од претседателството со ЕУ, Полска ја нагласува својата улога како активен поддржувач на европската интеграција на Македонија. Бримора најави дека полскиот заменик-министер за европски прашања ќе ја посети Софија овој месец, со цел да ги охрабри бугарските власти да покажат отвореност за решение.

„Модерната политика бара градење мостови, а не нивно рушење. Ова е можност која не смее да се пропушти. ЕУ нуди поддршка и инструменти за интеграција, но тие нема да бидат трајно достапни,“ предупреди Бримора.