Бујар Османи предупредува: Се чепне ли јазикот

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Бујар Османи предупредува: Се чепне ли јазикот – нема веќе Рамковен договор

11 мај 2025

• од Вардарски

Потпретседателот на ДУИ, Бујар Османи, во интервју за Радио Слободна Европа, упати остри критики за начинот на кој државата реагира по трагедијата во Кочани, посочувајќи дека се создава опасна етничка и политичка поларизација. Тој нагласува дека не станува збор за одбрана на поединци, туку за одбрана на системот на правична застапеност и соживот, чија срж, според него, се руши.

Османи изјави дека протестите кои ги најавува ДУИ не се иницирани од можната одговорност на ексминистерот за економија Крешник Бектеши, туку од поширокото чувство на селективна правда и институционална неправда. „Бектеши е парадигма на таа селективна правда. Она што се случува по трагедијата во Кочани нема преседан – етничка, партиска и политичка селективност со цел да се заштитат своите, по секоја цена,“ истакна Османи.

Тој предупреди дека се нарушуваат темелите на Охридскиот рамковен договор – договорот кој е основата за етничкиот баланс и стабилност во државата. Според Османи, тие темели се три: Рамковниот договор, европската перспектива и еднаквата правда. „Првите два веќе се срушени, и ако се чепне третиот – јазикот – тогаш нема веќе Рамковен договор,“ изјави тој.

Во врска со најавите за протестите, Османи појасни дека тие не се поврзани со поединечни случаи туку се реакција на институционалната деградација на правата на Албанците. „Кога Ахмети зборува за протест, тој зборува за правото на политички отпор против дискриминацијата. Се прави обид да се суспендира балансерот, Бадентеровото мнозинство, па дури и Законот за употреба на јазиците. Ако тоа се случи, нема повеќе политичка логика за нашето учество,“ предупреди Османи.

Потпретседателот на ДУИ додаде и дека постои политички инженеринг во албанскиот блок, каде што, според него, премиерот одлучува кој ги претставува Албанците, што е, како што вели, недемократски и опасно за општествениот соживот.

Османи заврши со порака дека доколку институциите не се вратат кон принципите на правичност и еднаквост, земјата ризикува сериозно политичко и етничко дестабилизирање.