Бугарија со 550 евра минималец, а ние уште со минималец за преживување

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Бугарија со 550 евра минималец, а ние уште со минималец за преживување

30 јули 2025

• од Станча Јаќимовски

На денешната седница на Економско-социјалниот совет (ЕСC), синдикатите упатија силен повик до Владата: ако не се зголеми минималната плата на 500 евра, Македонија ќе остане на дното во регионот по висината на работничките примања.

Претседателот на Сојузот на синдикатите на Македонија (ССМ), Слободан Трендафилов, предупреди дека со распишувањето на локалните избори наскоро ќе се изгуби законската можност за каква било промена во платите. „Србија веќе достигна минималец од 500 евра. Ако не реагираме веднаш, ќе заостанеме уште повеќе. Работниците ќе бидат добри само за гласање, а не и за пристоен живот“, рече Трендафилов пред почетокот на состанокот.

ССМ бара веднаш да се донесе одлука за зголемување на минималната плата, со што би пораснале и другите плати – за околу 6.000 денари. Тие сметаат дека без оваа точка на дневен ред, седницата е „пропадната инвестиција“.

Од Конфедерацијата на слободни синдикати се согласуваат дека платите мора да се зголемат, но предупредуваат на можните економски последици. Претседателот Благоја Ралповски истакна дека неопходни се прецизни пресметки, за да не се предизвика инфлациски удар кој би ја „изел“ добивката. „Не смееме да паднеме во замката на популизам“, рече тој.

Слична загриженост изрази и Организацијата на работодавачи на Македонија. Претседателката Владанка Трајкоска потенцираше дека малите и средни претпријатија нема да можат да издржат дополнителни трошоци, особено во време на слаба европска економија и нови трговски бариери од САД. „Ако не сме внимателни, ќе се соочиме со инфлационен бум што ќе ги поништи сите придобивки“, предупреди Трајкоска.

Иако на дневен ред беа ставени програмата за работа и пресметките на потрошувачките кошнички, синдикатите инсистираат прашањето за платите да стане приоритет. Одлуката на Владата останува неизвесна: дали ќе постапи веднаш или ќе чека по изборите. Но едно е јасно – времето за компромис истекува, а со него и трпението на македонските работници.