Бугарската партија „Преродба“ на Костадинов со хуманитарна помош за охриѓани за Велигден
По повод Велигден, бугарската политичка партија „Преродба“ (Възраждане), предводена од Костадин Костадинов, организираше хуманитарна акција за донација на храна за социјално загрозени семејства во Охрид.
Оваа акција е дел од нивната редовна практика за поддршка на заедниците, со цел да се донесе радост и олеснување токму таму каде што е најпотребно – особено во празничниот период. Организаторите истакнаа дека е важно почесто да се помага на народот, не само за празници.
„Честит Велигден, Христос Воскресе!“ – се вели во пораката што ја споделија организаторите, кои ја изразија својата благодарност до сите што помогнале во акцијата.
Специјална благодарност беше упатена до лидерот на ПП „Преродба“, Костадин Костадинов, и здружението „Братство Хајдути“, како и до Културно-уметничкото друштво „Бисерни Влни“ од Охрид, кои исто така изразија благодарност за поддршката и хуманитарната помош.