Бугарски евреи со протест до Македонија: Стоп за политичка злоупотреба на Холокаустот

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Бугарски евреи со протест до Македонија: Стоп за политичка злоупотреба на Холокаустот

13 јули 2025

• од Станча Јаќимовски

Организацијата на Евреите во Бугарија „Шалом“, заедно со Централниот израелски духовен совет, Федерацијата на ционистите во Бугарија, Организацијата на пријателите на Израел „Негев“ и Американскиот еврејски комитет (AJC) за Бугарија и Северна Македонија, изразија сериозна загриженост поради изјави на македонски политичари, кои, според нив, ја нарушуваат историската вистина и ја тривијализираат трагедијата на Холокаустот.

Во официјално писмо упатено до бугарскиот министер за надворешни работи Георг Георгиев и до Амбасадата на Република Северна Македонија во Софија, еврејските организации изразуваат длабоко негодување поради изјавите на премиерот на Северна Македонија, Христијан Мицкоски, како и на градоначалникот на Куманово и лидер на движењето „Znam“, Максим Димитриевски.

Особено контроверзна е споредбата направена од Димитриевски, кој го споредил процесот на европска интеграција на Северна Македонија со страдањата на Евреите за време на Холокаустот. „Ваквите изјави не само што ги изопачуваат историските факти, туку и ја омаловажуваат незамисливата трагедија на Холокаустот — организираното истребување на шест милиони Евреи од страна на нацистичкиот режим“, се вели во писмото.

Потписниците нагласуваат дека вакви споредби во политички контекст се целосно недозволиви и претставуваат навреда за споменот на жртвите. Тие апелираат до јавните личности да покажат одговорност и чувствителност кога говорат за теми поврзани со човечки трагедии и историски настани од вакви размери.

„Историјата на Холокаустот не смее да биде инструментализирана за политички цели. Злоупотребата на трагедијата за дневнополитичка корист е длабоко неетична“, истакнуваат организациите.

Во писмото се додава и критика за тоа што бугарскиот министер за надворешни работи бил навреден од страна на македонскиот премиер, што се смета за неприфатливо и неевропско однесување. Еврејските организации повторно ја изразија својата поддршка за заедничкото европско иднина на Бугарија и Северна Македонија — иднина што, како што наведуваат, треба да се гради врз основа на соработка, почит и разбирање.

Во завршницата од изјавата, организациите ја изразија својата благодарност за континуираните напори на бугарското Министерство за надворешни работи во борбата против современиот антисемитизам преку Канцеларијата на Националниот координатор.

Писмото го потпишуваат:

д-р Алина Леви, претседателка на Организацијата на Евреите во Бугарија „Шалом“
Максим Делчев, претседател на Централниот израелски духовен совет
проф. Александер Оскар, претседател на Организацијата „Негев“
Николај Голубов, претседател на Федерацијата на ционистите во Бугарија
Виктор Меламед, директор на Американскиот еврејски комитет за Бугарија и Северна Македонија