Бугарски портал: Шефот на АНБ на Македонија приложил фалсификуван TOEFL сертификат

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Бугарски портал: Шефот на АНБ на Македонија приложил фалсификуван TOEFL сертификат

19 јуни 2025

• од Станча Јаќимовски

Сериозни сомнежи за автентичноста на јазичниот сертификат по англиски јазик поседуван од директорот на Агенцијата за национална безбедност (АНБ) на Северна Македонија, Бојан Христовски, отворија нов скандал во безбедносните институции на земјата. Истражувањето на Балканската истражувачка мрежа (БИРН), објавено од бугарскиот медиум Фактор, открива дека постојат значителни несогласувања околу начинот на кој Христовски го стекнал TOEFL сертификатот – документ кој е предуслов за вршење на јавна функција во сферата на безбедноста.
(Целиот оригинален текст е објавен на следниот линк: Фактор – потврдено: Шефот на АНБ на С. Македонија претставил фалсификуван сертификат).

Двојни испити и неусогласен код на тест-центарот

Според досието што БИРН успеа да го добие по шестмесечна правна битка со Државната комисија за спречување на корупцијата (ДКСК), Христовски го полагал TOEFL испитот двапати. Иако тој тврди дека тестот го положил во јазичното студио „Јулија“ во Пловдив, кодот наведен на сертификатот – APCU 8007 – не се совпаѓа со кодот на тоа студио. Овој код припаѓа на „Софија Лаб 1“, тест-центар лоциран во главниот град на Бугарија.

Дополнителна конфузија предизвикува и тврдењето во документот дека испитот бил положен преку програмата „Фулбрајт“ во Бугарија. Од таму, сепак, јасно изјавиле дека никогаш немале соработка со студиото „Јулија“, ниту пак нивниот тест-центар користи тој код.

Нескладици во структурата на испитот и истечен рок

Иако правилата на ETS – американската организација што стои зад TOEFL – налагаат сите делови од испитот да се полагаат на истиот ден, податоците во сертификатот на Христовски покажуваат дека делот за говорење го полагал пет дена пред останатите делови. Дополнително, документот е за т.н. „домашна верзија“ на тестот, но Христовски во медиумски настап тврдел дека го полагал во физичка просторија во Пловдив.

Уште еден сериозен момент е што резултатите на сертификатот важеле до март 2024 година, додека Христовски бил назначен за директор на АНБ дури во октомври 2024 – седум месеци по истекот на важноста.

Празни полиња, минимален резултат и затворен случај

Во самиот документ постојат и други индикации на неавтентичност: резултатите не се испратени директно од ETS, што е стандардна процедура доколку институција треба официјално да признае резултати. На документот стои и напомена дека ETS не може да гарантира дека резултатот не е манипулиран, а полињата за официјална потврда се празни.

Христовски добил 75 поени – само еден повеќе од законскиот минимум потребен за директор на АНБ. Бидејќи сертификатот бил веќе истечен при неговото назначување, тоа еден од аргументите поради кои обвинителот Владимир Милошевски ја затворил прелиминарната истрага.

Иако бугарските власти биле контактирани, не била побарана директна проверка од ETS – единствената легитимна институција за верификација на TOEFL резултати, што дополнително ја поткопува целосната валидност на случајот.