25 септември 2025
• од Станча Јаќимовски
Според пишувањето на бугарски портал, Лазе Јакимоски – актуелен заменик-министер во владата на Христјан Мицкоски – поседува бугарско државјанство уште од 2008 година. Овој факт отвора сериозни прашања околу транспарентноста и довербата во институциите, особено во услови кога често во јавноста се слушаат антибугарски пораки.
Роден во 1984 година, Јакимоски ја започнал својата академска кариера на Правниот факултет во Кичево при Универзитетот „Св. Климент Охридски“ – Битола. Таму минал низ сите звања – од асистент до доцент.
Подоцна, тој завршил магистерски студии на Универзитетот „Неофит Рилски“ во Благоевград, Република Бугарија, каде стекнал познавање и слободно владеење на бугарскиот јазик.
Иако дел од политичкиот дискурс во Македонија често се базира на дистанцирање од Бугарија, фактот дека повеќе функционери поседуваат бугарски пасоши укажува на двојност помеѓу она што се зборува јавно и вистинската состојба зад кулисите.
Случајот со Лазе Јакимоски е само еден од примерите кои ја нагласуваат оваа контрадикторност – пред граѓаните се испраќаат силни национални пораки, додека истовремено, во власта учествуваат лица со формални врски со соседната држава.
Оваа ситуација отвора прашања околу искреноста и транспарентноста на политичките елити. Граѓаните имаат право да знаат дали високите функционери кои ги застапуваат имаат и други државјанства, и дали тоа може да влијае на нивните одлуки.
Во моментов, Лазе Јакимоски сè уште нема излезено со официјален став по ова прашање.
Извор: iPress.mk
Ненадминливи Понуди Дневно
4.8 (10276 рецензии)
Заштедете 152.00 ден

