Бугарскиот амбасадор Радуков: Помошта за Кочани беше подготвена уште пред барањето

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Бугарскиот амбасадор Радуков: Помошта за Кочани беше подготвена уште пред барањето

23 март 2025

• од Вардарски

Во моменти на голема трагедија, вистинското пријателство се препознава по делата. Токму таков беше односот на Бугарија при неодамнешната несреќа во Кочани, кога без двоумење понуди помош на Македонија.

Бугарскиот амбасадор во Скопје, Жељазко Радуков, изјави дека Бугарија била една од првите држави што реагирала, токму затоа што, како што рече, „не си поставувавме непотребни прашања“.

„Се сеќавам на првите зборови на министер Георг Георгиев – ‘Како да помогнеме? Собери информација со што можеме да бидеме корисни’,“ раскажа амбасадорот.

Уште во првите моменти по несреќата, бугарските државни институции – претседателот, премиерот, министрите за здравство, внатрешни и надворешни работи – стапиле во контакт со своите македонски колеги. Прашањето било едноставно и директно: Како да помогнеме?

Додека се чекал официјалниот повик за поддршка, институциите во Софија веќе дејствувале. „Не чекавме, не губевме време,“ рече Радуков. „Во моментот кога дојде барањето за помош, ние веќе бевме подготвени.“

За разлика од други држави кои во тие моменти допрва разгледуваа механизми на помош, Бугарија веќе примила пациенти од Македонија во своите болници.

„Тоа не беше случајно. Додека други се прашуваа што да направат, ние веќе дејствувавме,“ додаде Радуков, нагласувајќи ја решителноста и солидарноста на бугарските институции.

Овој гест на поддршка уште еднаш ја покажа важноста на соработката меѓу соседите и силата на човечноста во моменти на криза.