Бугарскиот амбасадор во Дојран оддаде почит на бугарскиот офицер Каварналиев

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Бугарскиот амбасадор во Дојран оддаде почит на бугарскиот офицер Каварналиев

21 јуни 2025

• од Станча Јаќимовски

Со интонирање на химните на Република Северна Македонија и на Република Бугарија, крај споменикот на генерал-мајор Константин Каварналиев кај Дојран денес беше одбележана 112-годишнината од неговата смрт. Генералот загина како командант во текот на Меѓусојузничката војна, бранејќи ја позицијата со само 3.000 војници против 42.000 грчка армија.

Во центарот на комеморацијата беше бугарскиот амбасадор во Република Северна Македонија, Желязко Радуков, кој лично оддаде почит на бугарскиот офицер Каварналиев и одржа емотивен говор во кој ја потенцираше неговата храброст, саможртва и посветеност на татковината.

„Три илјади против 42 илјади – тоа е односот на силите тука, но храброста на бугарските воини ја надминува секоја бројка. Полковник Каварналиев, иако свесен дека неговата кауза е речиси осудена, не ги напушта своите војници. Напротив – лично зема оружје и ги предводи во контраатака. Тоа е пример што треба да ни биде компас и денес“, изјави амбасадорот Радуков.

На настанот присуствуваа и претставници на бугарското Министерство за одбрана, воени аташеа, дипломати, припадници на бугарската армија, ветерани и членови на бугарската заедница во Северна Македонија. Одржана беше панихида од свештеник на Струмичката епархија, а беа положени венци и свежо цвеќе на споменикот.

Генерал-мајор Каварналиев, кој загинува на 23 јуни 1913 година, бил погребан на еден од хумките меѓу Дојран и Валандово. Во 2019 година, споменикот на неговото лобно место беше обновен и свечено откриен во присуство на премиерите на двете земји – Бојко Борисов и Зоран Заев. Од тогаш, секоја година се одбележува годишнината од неговата смрт.

На истото место се погребани и уште петмина бугарски војници, загинати подоцна за време на Првата светска војна.