Бугарскиот министер за транспорт: Потпишавме за тунелот, но три месеци чекаме одговор од Скопје

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Бугарскиот министер за транспорт: Потпишавме за тунелот, но три месеци чекаме одговор од Скопје

14 април 2025

• од Вардарски

Додека целиот регион се движи напред, Северна Македонија повторно стои – немо и без став. Веќе три месеци молк од македонските власти по добивањето на потпишаниот договор од Бугарија за изградба на стратешкиот граничен тунел – проект од исклучително значење за развојот на Коридор 8, клучната евроатлантска транспортна врска.

Бугарскиот министер за транспорт и врски, Гроздан Караџов, не го премолча овој проблем. Напротив – гласно и јасно ја повика Северна Македонија да излезе од комфорната зона на дипломатски формалности и конечно да заземе конкретен став.

„Дали ја работиме работата или само ќе разговараме?“, праша Караџов на средба со амбасадори од ЕУ и НАТО земјите, повикувајќи ги директно да извршат притисок врз Скопје.

Ова не е обичен билатерален проект. Станува збор за тунел кој, како што вели самиот министер, „е единственото нешто што вистински нè поврзува – половина во Македонија, половина во Бугарија.“ Договорот за заедничка изградба и управување веќе е подготвен, потпишан и испратен. И наместо напредок – тишина.

Караџов недвосмислено порача:

„Ако не потпишат, значи поради некаква причина не сакаат.“

Ова е директен апел, но и предупредување – игнорирањето на проект од ваков ранг испраќа порака за несериозност и дипломатска неодговорност. Северна Македонија, која постојано ја истакнува својата посветеност кон евроатлантските интеграции, сега добива реален тест: дали навистина сака да биде дел од модерна инфраструктурна Европа или останува заложник на сопствените политички калкулации?

Коридорот 8 не е само пат. Тоа е симбол на поврзаност, доверба и европска визија. Тој почнува од Италија, минува низ Албанија, Северна Македонија и Бугарија, и завршува на Црното Море. Ова е иднината, а иднината не чека.

С. Македонија мора да одлучи – ќе биде партнер или пречка?