Бугарските пратеници бараат итна истрага за нападот на Перев и предупредуваат за „говор на омраза“ во Македонија

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Бугарските пратеници бараат итна истрага за нападот на Перев и предупредуваат за „говор на омраза“ во Македонија

07 декември 2025

• од Станча Јаќимовски

Комисијата за надворешна политика при Бугарското Народно собрание едногласно усвои Декларација со која го осудува нападот врз екс-новинарот и припадник на бугарската заедница во Македонија, Владимир Перев. Документот, на предлог на претседателката на Комисијата, Јорданка Фандкова, беше итно вклучен во дневниот ред и доби едногласна поддршка.

Во Декларацијата се наведува дека во Македонија се случуваат, како што стои во текстот, „акти на насилство од омраза“ врз лица со бугарски идентитет. Пратениците ја нагласуваат својата поддршка за граѓаните кои, според нив, „праведно ги бранат своите права“, и ги повикуваат властите во соседните земји да престанат со дејствија и изјави што го оправдуваат насилството.

Повик за запирање на говорот на омраза и навремена реакција на македонските институции

Бугарските законодавци изразуваат загриженост за, како што наведуваат, „јавно негирање и омаловажување“ на проблемите со кои се соочуваат Бугарите во Македонија. Тие очекуваат владата во Скопје да преземе конкретни мерки против говорот на омраза и да обезбеди соодветна заштита за сите граѓани без дискриминација.

Во текстот дополнително се потсетува дека Северна Македонија сè уште не ја исполнила својата обврска кон Европската Унија за усвојување на уставните измени, што е дел од т.н. Европски консензус од 2022 година.

Клучни точки од усвоената Декларација

Според документот, бугарските пратеници:

Ја нагласуваат поддршката за граѓаните на Македонија со бугарски идентитет.
Остро го осудуваат нападот врз Владимир Перев.
Го осудуваат, како што тврдат, континуираното негирање на проблемите со правата и безбедноста на Бугарите во Македонија.
Бараат македонските власти да прекинат со дејствија и изјави што го оправдуваат насилството и со употреба на навредлив јазик.
Очекуваат преземање мерки за спречување на говорот на омраза и насилството против Бугарите.
Ги повикуваат институциите да спроведат транспарентна и ефикасна истрага за нападот врз Перев и да го пронајдат сторителот.
Бараат Македонија да обезбеди почитување на основните права и достоинството на сите граѓани, вклучително и преку навремено спроведување на уставните измени.
Го поздравуваат објавувањето на нацрт-акцискиот план за правата на заедниците, оценувајќи го како почетен чекор, но бараат јасни и мерливи мерки во процесот на евроинтеграција.

Реакции од Бугарија

По инцидентот, следуваа бројни реакции од официјална Софија. Бугарското Министерство за надворешни работи побара гарантирање на правата на Бугарите во Македонија. Претседателот Румен Радев оцени дека „ефикасната истрага за случајот Перев, но и за другите напади, е единствениот начин Северна Македонија да напредува кон европска интеграција“.