Чистењето на Скопје под ризик: Комунална хигиена предупредува на финансиски и оперативен колапс

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Чистењето на Скопје под ризик: Комунална хигиена предупредува на финансиски и оперативен колапс

27 октомври 2025

• од Станча Јаќимовски

Управниот одбор на Јавното претпријатие „Комунална хигиена – Скопје“ алармира дека градот се соочува со сериозен ризик од целосен оперативен и финансиски колапс. Во обемно соопштение, објавено од Скопје1.мк, се наведува дека капацитетите за собирање и транспорт на отпад се драстично намалени, а институционалната некоординираност со Град Скопје довела до нарушување на целиот систем за одржување на хигиената.

Одборот ги отфрла обвинувањата за блокада на работењето

Членовите на Управниот одбор истакнуваат дека во последните четири години ги изгласале сите планови и програми предложени од директорите на претпријатието, со што, како што велат, се демантираат тврдењата дека го блокирале работењето. Тие нагласуваат дека реализацијата на овие планови е законска обврска на директорите, а в.д. директорот Сабахадин Рустеми, според нив, не ги спровел нивните барања за итно ангажирање дополнителна механизација и подобра координација со другите јавни претпријатија.

Финансиска криза и задоцнета наплата

Управниот одбор посочува дека повеќепати го известувале Градот Скопје и градоначалничката Данела Арсовска за сериозната финансиска состојба во која се наоѓа претпријатието, но наместо поддршка, добивале, како што наведуваат, „навредливи дописи и изјави полни со невистини“.

Дополнителен удар, велат од Одборот, бил нанесен со анексот на договорот со ЈП „Водовод и канализација“ потпишан во 2023 година, со кој средствата од наплатата на граѓаните се префрлаат со задоцнување. Ова, според Управниот одбор, довело до тешка ликвидност и неможност претпријатието да располага со сопствените средства.

Постапки за правна заштита и ревизија

Одборот најавува дека побарал поништување на анексот и покренал постапка за тужба против „Водовод и канализација“, како и барање до Државниот завод за ревизија за вонредна ревизија на финансиското работење.

Ограничени можности за чистење на градот

„Ќе го дадеме максимумот за да се одржи минималната динамика на чистење на градот, но без кооперативност од Град Скопје, нашите можности се ограничени,“ стои во завршниот дел од соопштението на Управниот одбор. Од таму предупредуваат дека „Комунална хигиена“ се соочува со реален ризик од целосен финансиски и оперативен колапс, што би можело сериозно да ја загрози хигиената во главниот град.