„Чувари на идентитетот“ со бугарски пасоши: Кои министри и градоначалници на Мицкоски гласале на изборите во Бугарија?

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

„Чувари на идентитетот“ со бугарски пасоши: Кои министри и градоначалници на Мицкоски гласале на изборите во Бугарија?

20 април 2026

• од Темелко Тошев

Додека премиерот Христијан Мицкоски и дел од домашните медиуми со потсмев коментираат за наводно малиот број граѓани кои гласале на бугарските избори во Македонија, опозициската СДСМ излезе со сериозни обвинувања. Според податоците што ги пренесува бугарскиот портал „Актуелно“, повикувајќи се на извори од Скопје, висок профил на функционери од ВМРО-ДПМНЕ го искористиле своето право на глас како бугарски државјани.

Министри и пратеници на гласачките места

Најголемо внимание во објавениот список предизвикуваат имињата на актуелни членови на Владата. Според тврдењата на СДСМ, на бугарските избори гласале:

Стефан Андоновски – министер за дигитална трансформација.
Сања Божиновска – министерка за енергетика.
Антонио Милошоски – пратеник и поранешен министер за надворешни работи.
Никола Мицевски – координатор на пратеничката група на ВМРО-ДПМНЕ.
Марија Петрушевска – пратеничка.

Градоначалници и партиски функционери

Списокот не застанува тука. Бугарските медиуми пренесуваат дека градоначалникот на Штип, Иван Јорданов, своето право на глас го остварил во Ќустендил. Покрај него, како гласачи на бугарските избори се споменуваат и:

Александар Пандов (директор на Управата за извршување санкции)
Марија Андоновска
Бојан Стојановски
Игор Здравковски
Петар Богојески

СДСМ: Лажен патриотизам зад затворени врати

Од СДСМ упатија остри критики до владејачката партија, нарекувајќи ги овие функционери „лажни пазители на македонскиот идентитет“.

„Додека го блокираат европскиот пат на Македонија и намерно создаваат конфликти со Бугарија, многу функционери на ВМРО-ДПМНЕ си обезбедија бугарски пасоши – пасоши на ЕУ“, велат од опозицијата.

Опозицијата јавно прашува: За кого гласаа овие функционери и какви очекувања имаат од новата влада во Софија, додека дома глумат најголеми заштитници од „бугаризацијата“?

Молкот на ВМРО-ДПМНЕ

Останува отворено прашањето како овие информации ќе се одразат врз внатрешната кохезија на владејачката партија, која својата реторика ја темели на заштита на националните интереси. Парадоксот е очигледен – додека Софија се обвинува за провокации, клучни луѓе од македонската извршна власт активно учествуваат во политичкиот живот на соседна Бугарија како нејзини полноправни граѓани.