27 март 2025
• од Гоце Кически
Општина Крива Паланка за утре свика вонредна прес-конференција за медиумите на која ќе признае за сериозен еколошки инцидент – истекување на цијанид во водите на Крива Река, предизвикано од пукната цевка во рудникот „Тораница-Булмак“. Настанот, кој се случил на 14 март, се очекува да остави долготрајни последици и врз посевите во соседната општина Ранковце.
Еко-активистите со недели вршеа притисок врз локалните власти да го признаат инцидентот, откако водите на реката добија сива боја и значително заматување, што укажуваше на сериозно загадување.
„Ве покануваме на прес-конференција на градоначалникот на Општина Крива Паланка, Сашко Митовски, по повод хаваријата со излевање на опасна течност од рудникот „Тораница-Булмак“ во водите на Крива Река. Ќе бидат презентирани и резултатите од анализите на земените мостри,“ соопштија од локалната самоуправа.
Првичните резултати од анализите потврдуваат алармантно присуство на тешки метали, како што се олово, арсен и цијанид, што претставува директна закана по здравјето на граѓаните. Дополнително, експертите предупредуваат на долготрајни штети врз земјоделските култури, како во Крива Паланка, така и во соседната општина Ранковце, посебно во регионот на Славишко поле.
Локалните жители и еколошките здруженија бараат итни мерки за санација на последиците, како и одговорност од раководството на рудникот. Прес-конференцијата се очекува да ја разјасни ситуацијата и да понуди план за понатамошни чекори за справување со оваа криза.
Ситуацијата се следи внимателно, додека граѓаните остануваат загрижени за влијанието на инцидентот врз животната средина и нивното здравје.
Ненадминливи Понуди Дневно
4.8 (10276 рецензии)
Заштедете 152.00 ден

