Црешите поскапи од месо – дали овошјето стана луксуз во Македонија?

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Црешите поскапи од месо – дали овошјето стана луксуз во Македонија?

13 мај 2025

• од Вардарски

Летото сè уште не започнало, а пазарите веќе вриеја од жештини – не поради сонцето, туку поради цените на овошјето! Црешите, симболот на доаѓањето на топлите денови, оваа година достигнаа рекордни цени – дури 1.000 до 1.300 денари за килограм. Праските и кајсиите не заостануваат – килограм кајсии веќе се продава за 655 денари, додека праските достигнаа 559 денари. Граѓаните, со празни корпи и полни џебови грижи, разочарани ја напуштаат зелените пазари.

Родот го снема, цените отидоа во небо

Како што јавува Македонската Телевизија, причините за овие ценовни шокови се катастрофалните временски услови што го зафатија Велешко-Кавадречко-Неготинскиот регион – најголемото јадро на овоштарството кај нас. Студениот мраз и неочекуваниот снег го десеткувале родот од 80% до 100%, предупредуваат земјоделците. Сценариото оваа година е мрачно: домашни овошја ќе има малку, а и оние што ќе стигнат, ќе чинат колку месечна сметка за струја.

Потврда за сериозноста на состојбата се и бројните пријави за штети – 914 до сега, од кои дури 570 се од Росоман. Останатите доаѓаат од Демир Капија, Неготино, Градско и Кавадарци – срцето на овоштарското производство.

Ниту увозот нема да помогне

Оние кои се надеваа дека ќе се спасиме со увоз, можеби ќе се разочараат. Замрзнувањето го зафати и регионот, па и однадвор нема доволно род. Исто овошје кое земјоделците го продаваат на големо за 200 денари, на полиците на маркетите достигнува до 1.300 денари – што фрла сенка врз целата трговска мрежа и механизмите за контрола на маржите.

Минатата година, најмногу увезено овошје пристигнало од Албанија – дури 172.607 килограми, во вредност од 141.365 евра. Цреши, праски и кајсии доаѓале дури и од Јужна Америка и Африка – Аргентина, Бразил, Чиле, па и Брегот на Слоновата Коска. Но, оваа година, дури и тие земји се соочуваат со природни катастрофи.

Ветувања за контрола на цените

Од Министерството за економија најавуваат дека доколку се утврди ценовен раст поголем од 15%, ќе следуваат построги мерки. Но, додека институциите размислуваат за мерки, граѓаните веќе ги чувствуваат последиците – овошјето станува луксуз наместо секојдневие.