Д-р Сашко Кедев со сериозно обвинување: „Приватни болници вршат непотребни операции заради профит“

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Д-р Сашко Кедев со сериозно обвинување: „Приватни болници вршат непотребни операции заради профит“

21 август 2025

• од Станча Јаќимовски

Познатиот македонски кардиолог, д-р Сашко Кедев, упати сериозни обвинувања на сметка на дел од приватните здравствени институции во земјата. Според него, во одредени случаи се изведуваат операции кои воопшто не се неопходни, со што на здрави пациенти им се отвора граден кош само заради профит.

„Одвојувам пациенти од непотребни интервенции“

Во гостување во емисијата „Стадион“ на Канал 77, д-р Кедев изјави дека најголем дел од неговата консултативна работа е токму во одвраќање на пациенти од непотребни интервенции.

„Имаме сериозен проблем со пролиферација на приватни институции чиј главен интерес е профит. Постојат снимени докази и случаи каде што се вршени интервенции без медицинска потреба. Во Англија или Америка вакви центри би биле веднаш затворени“, нагласи Кедев.

Тој посочи дека имало ситуации каде пациенти биле испратени на операции иако не постоела индикација ниту за поставување стенд, а не пак за отворање на граден кош.

Апел до институциите

Кардиологот ги повика Министерството за здравство и Фондот за здравствено осигурување да ги испитаат овие случаи и да преземат мерки.

„Проблемот не е само финансиски, туку етички. Профит во медицината не смее да постои. Пари и профит може да има кај здрави луѓе, но не и кај болни. Тие институции кои добиваат дозвола за работа мора да бидат под надзор и мора да се знае што се прави во нив“, изјави тој.

Поддршка од колеги

Кедев истакна дека неговите тврдења не се само негово лично искуство, туку и на група од десетина доктори кои секојдневно се соочуваат со истиот проблем.

„На дневна основа доаѓаат пациенти со наоди од приватни болници каде се предложени операции кои не се медицински оправдани. Тоа е алармантно и бара итна реакција“, додаде Кедев.