Делови од Скопје во сабота без вода поради интервенции на водоводната мрежа

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Делови од Скопје во сабота без вода поради интервенции на водоводната мрежа

28 мај 2025

• од Вардарски

Неколку скопски населби ќе останат без вода во сабота, 31 мај 2025 година, поради планирани интервенции на главната водоводна мрежа, информира Регионалниот центар за управување со кризи – Град Скопје.

Според соопштението, активностите ќе започнат во 00:00 часот и ќе траат до 15:00 часот, со цел изведба на главен водоводен приклучок, монтажа на игличест регулациски вентил, како и поврзување на два магистрални цевководи — ф-1600 мм и ф-700 мм — на потегот од Железара до булеварот „Александар Македонски“. Новиот магистрален цевковод ф-700 мм ќе се поставува по должината на новопланираниот булевар „Хрватска“.

„Најголем дел од времето е предвиден за празнење и полнење на магистралниот цевковод, процес кој бара внимателна и прецизна изведба,“ велат надлежните.

Поради овие активности, со делумен прекин на водоснабдувањето ќе бидат зафатени следните населби и улици:

Визбегово
булевар „Босна и Херцеговина“
Чаир
Топанско Поле
Автокоманда (само високата зона)
Железара
Бутел 1

Јавното претпријатие „Водовод и Канализација – Скопје“ презема серија подготвителни мерки, вклучувајќи ангажирање на осум тимови, механизација, алати и пумпи, како и проверка на воздушни вентили, испусти и хидранти долж магистралниот цевковод.

„По утврдување на исправноста на сите елементи, ќе се овозможи безбедно празнење и повторно полнење на системот со вода,“ информираат од ЈП „Водовод и Канализација“.

Граѓаните кои живеат во зафатените подрачја се повикуваат да обезбедат соодветни залихи на вода и да ја следат комуникацијата од надлежните институции за понатамошни информации.