Демократски сојуз: Изборниот законик создава политички монопол и е спротивен на Уставот

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Демократски сојуз: Изборниот законик создава политички монопол и е спротивен на Уставот

28 септември 2025

• од Станча Јаќимовски

Демократскиот сојуз остро реагира на измените на Изборниот законик од 2020 година, обвинувајќи дека тие создаваат политички монопол на четирите најголеми партии во земјата и се спротивни на уставните принципи за еднаквост и демократија.

Според партијата, со актуелните законски решенија, на најголемите четири партии – две од власта и две од опозицијата – им припаѓаат дури осум минути од вкупно девет и пол достапни минути за политичко рекламирање по реален час емитувана програма. За сите останати парламентарни партии останува само една минута, додека за помалите партии и независните кандидати се предвидени 30 секунди.

„Истата распределба важи и за финансирањето на политичките кампањи од државниот буџет, со што им се ускратува правото на еднаков политички натпревар на останатите учесници“, се наведува во соопштението на Демократскиот сојуз.

„Гушење на плурализмот“

Од партијата предупредуваат дека ваквата состојба го задушува политичкиот плурализам и го ограничува демократскиот развој на државата. Тие посочуваат дека ваквиот систем практично го фаворизира создавањето на еднопартиско владеење и го спречува појавувањето на нови политички сили на сцената.

„Изборниот законик ја фаворизира етаблацијата на авторитарен режим, со што се загрозуваат основните демократски вредности“, велат од Демократскиот сојуз.

Иницијатива пред Уставниот суд

Во јануари 2022 година, партијата поднела иницијатива до Уставниот суд со барање да се укине привилегираниот статус на четирите партии во однос на медиумскиот простор и буџетското финансирање на кампањите.

Сепак, Уставниот суд на 26 јуни истата година ја одложил расправата со образложение дека станува збор за сложен предмет кој бара целосен состав на судот.

Предлог за промени

Демократскиот сојуз се спротивставува на тоа политичките кампањи да се финансираат со јавни пари. Наместо тоа, тие предлагаат секоја партија да ја обезбедува својата кампања преку членарини и сопствени средства, додека медиумскиот простор да биде распределен рамноправно за сите учесници во изборниот процес.

„Само на тој начин ќе се обезбеди фер политички натпревар и вистинска можност граѓаните да бидат информирани за програмите и кандидатите на сите политички субјекти“, се заклучува во нивното соопштение.