Денес е Лазарева сабота: Еве што никако не смеете да правите

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Денес е Лазарева сабота: Еве што никако не смеете да правите

12 април 2025

• од Вардарски

На 12 април, православните верници ја одбележуваат Лазарева сабота, еден од најзначајните празници што го најавува крајот на Великиот пост и го слави чудото на воскресението на Лазар од Витанија. Според христијанското предание, токму на овој ден Исус Христос го воскреснал својот пријател Лазар, четири дена по неговата смрт, со зборовите: „Стани, Лазаре“.

Овој настан, познат како едно од најголемите чуда на Христос, претставува симбол на победата на животот над смртта и претходи на влегувањето на Исус во Ерусалим, што се слави наредниот ден – Цветници. Поради тоа, Лазарева сабота се одбележува како вовед во најсветата недела од христијанскиот календар – Страсната седмица.

Празник со длабока симболика

Лазарева сабота, или Врбица, како што е позната во народната традиција, го добила името по Лазар Четвородневен – пријателот на Исус Христос. Враќањето на Лазар во живот е еден од моментите кога народот, сведочејќи го чудото, го препознал Исус како Син Божји.

Обичаи кои се пренесуваат со векови

Во чест на овој настан, во македонската традиција се задржале неколку значајни обичаи:

Носење врбови гранчиња – Најпрепознатливиот обичај на овој ден е носењето гранчиња од врба околу половината. Овој симбол на обновување и живот е најава за триумфалното влегување на Исус во Ерусалим, каде што народот го пречекал со палмови гранчиња.
Цвеќе во дворот, но не и во домот – Наутро се набира цвеќе кое се остава во сад со вода во дворот, но не се внесува во домот. Народното верување вели дека внесувањето цвеќе во куќата на овој ден носи лоша среќа во работата на семејството во текот на годината.

Што не треба да се прави на Лазарева сабота?

Иако празникот го слави животот и чудото на воскресението, во православната традиција саботата е ден за молитва и сеќавање на упокоените, па затоа не е време за гласна радост и веселби. Дополнително, бидејќи се наоѓаме во периодот на Велигденскиот пост, препорачливо е денот да се помине во смиреност, молитва и духовна подготовка.

Лазарева сабота е ден што нè потсетува на силата на верата, надежта и љубовта. Тоа е празник што не само што го најавува воскресението, туку и нè повикува на внатрешно будење и духовно обновување.