Денес се празнува: Вознесение Господово

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Денес се празнува: Вознесение Господово – Спасовден

29 мај 2025

• од Вардарски

Денес, во четвртокот од шестата недела по Пасха, православните христијани го празнуваат големиот празник Вознесение Господово, познат и како Спасовден. Овој празник има особено значење во христијанската вера, бидејќи го означува моментот кога Иисус Христос, по своето воскресение, се вознел на небесата пред очите на своите ученици.

Христовото ветување и подготовка

Пред страдањето и распнувањето, Иисус им ветил на своите ученици дека ќе го испрати Светиот Дух – Утешителот, кој ќе ги научи на секоја вистина. Затоа им рекол: „Добро е Јас да одам, зашто ако не одам, Утешителот нема да дојде.“ По Своето славно воскресение, Иисус во текот на четириесет дена им се јавувал на учениците – јадејќи, пиејќи и зборувајќи со нив – за да го засведочи воскресението не како привид, туку како реална и телесна победа над смртта.

Тој им дал заповед да не го напуштаат Јерусалим, туку да го чекаат доаѓањето на Пресветиот Дух. Подготвувајќи ги како воини за духовна борба, им го објаснил значењето на мисијата што им претстои – ширењето на Евангелието низ светот.

Вознесението на Елеонската Гора

Кога настапи времето, Иисус ги однел учениците на Елеонската Гора (Маслиновата Гора), блиску до Јерусалим. Таму, зборувајќи им за Божјото Царство, пред нивните очи бил вознесен на облак, и исчезнал од нивниот поглед. Двајца ангели им се јавиле и рекле: „Мажи Галилејци, што стоите и гледате во небото? Овој Иисус, кој се вознесе од вас на небото, ќе дојде пак на истиот начин како што го видовте да оди.“

Со ова, Христовото Вознесение не само што означува враќање кај Отецот, туку и ветување за повторното доаѓање – второто Христово доаѓање, овојпат не во смирение, туку во слава.

Патот назад и духовната подготвеност

Апостолите се вратија од Елеонската Гора, која била на оддалеченост од околу 2040 стапки – растојание дозволено за патување во сабота според старозаветниот закон. Тие се повлекоа во т.н. горна соба, заедно со жените мироносици и Пресвета Богородица, посветени на пост, молитви и очекување на Светиот Дух.

Симболиката на Спасовден

Вознесението е кулминација на Христовата спасителна мисија на Земјата. Со Неговото вознесение, човечката природа – која ја зеде на Себе – беше прославена и вознесена до Божјиот престол. Тоа значи дека преку Христос, и човештвото доби можност за вечно обожение и заедништво со Бога.

Празнувањето на Спасовден потсетува на надежта, верата во Христовото ветување и духовната подготвеност која треба да ја имаме како верници. Тоа е ден на радост, но и ден на очекување на полнотата на Божјото присуство преку Светиот Дух.

Христе Боже, кој се вознесе во слава, помилуј нè. Амин.