Денес се празнуваат Светите маченици Трофим и Теофил и уште тринаесетмина со нив

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Денес се празнуваат Светите маченици Трофим и Теофил и уште тринаесетмина со нив

05 август 2025

• од Станча Јаќимовски

Молитвено ги спомнуваме и ги чествуваме Светите маченици Трофим и Теофил, заедно со уште тринаесетмина нивни соборци, кои храбро и со голема вера го предале својот живот за Христовото име во времето на жестоките христијански гонења на римскиот цар Диоклецијан.

Овие храбри сведоци на верата страдаа во Ликија, област во Мала Азија, околу 308 година. Откако одбија да се откажат од Христа и да им принесат жртви на паганските идоли, беа подложени на страшни маки. Ги тепале со камења, ги стружеа со остри железа, им ги кршеле колената и на крајот, полуживи, ги фрлиле во оган. Но, по Божја промисла, оганот не ги повредил — силата Божја ги заштитила од огнените јазици.

Овој чудесен настан уште повеќе ја разгневил паганската власт, па на крајот мачениците биле извадени од огнот и погубени со меч. Но нивната жртва не останала незабележана: Господ ги прославил и на земјата и на небото, давајќи им венец на светителство и вечна слава.

Светите маченици Трофим, Теофил и нивните соборци остануваат жив пример на несопирлива вера, стоицизам и љубов кон Бога, дури и пред најстрашните маки. Тие нè потсетуваат дека вистинската победа не е во телесното спасение, туку во духовната верност и победа над стравот и злото.

Нивниот спомен нека нè охрабри и утврди во верата! Свети маченици Христови, молете се за нас!