Денеска е Велики Петок, најтежок празник кај Христијаните

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Денеска е Велики Петок, најтежок празник кај Христијаните

18 април 2025

• од Вардарски

Денес, христијанскиот свет го одбележува Велики Петок – денот на страдањето, распнувањето и смртта на Исус Христос. Овој ден претставува најтежок и најтажен празник во христијанската традиција, кога верниците се потсетуваат на последните моменти од животот на Синот Божји и неговата жртва за спасение на човештвото.

За разлика од другите верски празници, Велики Петок не се одбележува со света литургија, туку со читање на евангелските текстови кои ја опишуваат Страсната седмица – последните денови и часови од животот на Христос. Според преданието, Христос бил распнат околу “шестиот час” од денот, во момент кога природата самата сведочела за трагедијата: завесата на ерусалимскиот храм се располовила, сонцето се затемнило, мртвите воскреснувале, а ѕвоната се распукале.

Одлуката за погубувањето на Христос ја донело Еврејското црковно собрание – Синедрионот – на Велика Среда. Христос бил уапсен ноќта меѓу Велики Четврток и Велики Петок во близина на Гетсеманската градина, по Тајната вечера. По кратко и неправедно судење, бил изведен пред римскиот намесник Понтиј Пилат. Иако Пилат не нашол вина во него, под притисок на разгневениот народ, ја изрекол пресудата и ги измил рацете, симболично откажувајќи се од одговорноста.

„Крвта негова на нас и на нашите деца“, извикувал народот, барајќи го распнувањето. Со венец од трње на главата, Христос го носел својот крст до ридот Голгота. Токму таму, прикован на крстот, пред да ја предаде душата, ги простил своите џелати со зборовите: „Оче, прости им, зашто не знаат што прават“.

Во црквите, вечерното богослужење го одбележува симнувањето на Христовото тело од крстот и неговото положување во симболичниот гроб пред олтарот. Поставена е покривка со извезени сцени од Господовото страдање, која верниците ја целиваат до Воскресение.

Според традицијата, на Велики Петок се вапсуваат првите велигденски јајца – секогаш во црвена боја, што ја симболизира невино пролеаната крв на Спасителот. Овој ден претставува момент на длабока духовна интроспекција, тишина и пост. Православниот канон предвидува строг пост – само со вода.

Според христијанската вера, страдањето на Христос е патот кон спасението. Велики Петок го најавува воскресението – победата над смртта, и носи силна порака: без страдање нема воскресение, без жртва нема вечен живот.