Денеска се празнува Свети Маченици: Архиѓаконот Лаврентиј, Папата Сикст и нивните соборци

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Денеска се празнува Свети Маченици: Архиѓаконот Лаврентиј, Папата Сикст и нивните соборци

23 август 2025

• од Станча Јаќимовски

Денес православната црква ги прославува спомените на светите маченици архиѓаконот Лаврентиј, папата Сикст и нивните соборци, кои пострадаа за верата Христова во времето на жестоките прогони во Римската империја.

Папата Сикст – од философ до маченик

По маченичката смрт на папата Стефан (15 август), на негово место бил избран свети Сикст – роден Атињанин, кој најпрво бил философ, а потоа ја примил христијанската вера. Во тоа време, да се биде епископ во Рим значело сигурна смрт, зашто царот Декиј бил решен да го уништи христијанството.

Папата Сикст бил изведен на суд заедно со своите ѓакони Феликисим и Агапит. Тие набрзо го завршиле својот земен живот со маченичка смрт.

Лаврентиј – ѓаконот кој не се одрече од Христа

Архиѓаконот Лаврентиј, кој со голема љубов му служел на својот духовен отец, не сакал да остане без него. Папата му прорекол дека и тој наскоро ќе пострада, но со уште поголеми маки.

Како ризничар на црквата, Лаврентиј пред апсењето успеал да ги пренесе сите црковни скапоцености во домот на една вдовица по име Киријакија. При тоа, со молитва и допир ја излекувал од тешка главоболка, а на слепецот Крискент му го вратил видот.

Во затворот продолжил да сведочи за Христа – го исцелил слепиот затвореник Лукилиј и го крстил, а потоа и затворскиот стражар Иполит поверувал во Господа и станал маченик.

Неговите маки и последни моменти

Лаврентиј бил изложен на тешки измачувања – го удирале со камења по лицето, а со железен синџир со остри запци по телото. И покрај тоа, тој не се поколебал, туку уште и му советувал на царот Декиј да се откаже од лажните идоли.

Кога го положиле гол на железна леса над оган, тој Му благодарел на Бога и се потсмевав на безумното незнабоштво на царот. Најпосле, го предал својот дух во рацете на Господа.