26 април 2025
• од Вардарски
Свети Артемон бил свештеник во градот Лаодикија за време на суровото гонење на христијаните под владеењето на римскиот цар Диоклецијан. Кога бил изведен пред судот на мачителот, гордо и со вера сведочел за својот живот:
„Се викам Артемон, роб на Христа мојот Бог; шеснаесет години бев чтец и читав книги во Црквата на мојот Бог; дваесет и осум години бев ѓакон и го читав Светото Евангелие; триесет и три години наполнив како презвитер, поучувајќи ги луѓето на патот кон спасението со помош на Христос.“
Мачителите го вовеле Артемон во храмот на паганскиот бог Ескулап, каде што жреците негуваа огромни змии. Се надеваа дека змиите ќе го растргнат. Но, свети Артемон се прекрстил и со силата на Чесниот Крст ги прикова сите змии на земјата, така што не можеле да се помрднат. Присутните биле обземени од ужас и страв.
Видувајќи го чудото, главниот жрец Виталиј паднал на колена пред Артемон и извикал: „Голем е христијанскиот Бог!“ Заедно со неколку свои пријатели, Виталиј примил крштение од свети Артемон и се обрати во Христовата вера.
И покрај чудата, злобниот судија продолжил да го мачи старецот со тешки маки. Еднаш, обидувајќи се да го фрли Артемон во врела смола, самиот судија паднал од својот коњ, бил грабнат од два орли и фрлен во казанот, каде изгорел.
После ова чудесно спасение, свети Артемон продолжил слободно да шета низ градот, придружуван од два верни елени, поучувајќи го народот за вистинскиот пат кон спасението.
Но мачителите не се откажале. Повторно го фатиле и конечно го убиле во 303 година. Неговата света душа се преселила во вечниот живот кај Господ Христос, на Кого Му служеше верно сè додека беше на земјата.
Ненадминливи Понуди Дневно
4.8 (10276 рецензии)
Заштедете 152.00 ден

