Деспотовски удира по раководството: „Ова не е СДСМ, ова е срам!“

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Деспотовски удира по раководството: „Ова не е СДСМ, ова е срам!“

30 декември 2025

• од Станча Јаќимовски

Внатрепартиската криза во СДСМ добива нова и посериозна димензија откако членот на партијата, Јован Деспотовски, јавно и остро реагираше на обвинувањата упатени кон него. Тој ги оцени како небулозни, неосновани и длабоко штетни – не само за неговиот личен интегритет, туку и за угледот на самата партија.

Според Деспотовски, актуелните случувања немаат никаква врска со вредностите и принципите врз кои е изградена СДСМ. Напротив, како што вели, станува збор за директен атак од поединци кои во моментов ја контролираат партијата и кои водат срамна внатрепартиска хајка.

„Ова не е СДСМ, ова не е мојата партија. Ова е срам кој ѝ го нанесуваат поединци. Кои се аргументите и доказите за мојата наводна соработка со политичкиот опонент?“, праша јавно Деспотовски, барајќи одговорност и транспарентност.

Тој истакна дека нема да дозволи валкање на неговиот личен и политички интегритет и предупреди дека, доколку не бидат изнесени конкретни докази за обвинувањата, ќе побара одговорност за јавно изречените клевети.

Во своето обраќање, Деспотовски укажа и на подлабокиот проблем со кој се соочува СДСМ – недостигот од вистинско внатрешно обединување. Според него, наместо да се надминуваат недоразбирањата, тие сè повеќе се продлабочуваат.

„И по година и пол, партијата не успеа да го среди сопствениот дом. Наместо да градиме јасен и силен политички фронт кон власта, ние копаме ровови меѓу себе“, нагласи тој.

Како што додава, реакциите и од јавноста и од членството јасно покажуваат дека СДСМ не е обединета и дека внатрепартиската демократија е сериозно доведена во прашање.

Изјавите на Јован Деспотовски отвораат низа сериозни дилеми за иднината на СДСМ, начинот на управување со партијата и способноста раководството да се справи со внатрешните конфликти во период кога политичките предизвици се поголеми од кога било.