Дете под шест години – најмлад корисник на дрога во С. Македонија!

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Дете под шест години – најмлад корисник на дрога во С. Македонија!

01 јуни 2025

• од Станча Јаќимовски

Најмладиот регистриран корисник на дрога во Македонија има помалку од шест години – шокантен податок што ја открива сериозноста на проблемот со злоупотребата на психоактивни супстанции кај деца. Овој случај е евидентиран во текот на 2023 година на Универзитетската клиника за детски болести, а според последното истражување на Народниот правобранител, се укажува на сериозни слабости во системот за евиденција и третман на малолетни зависници.

Нема единствена евиденција

Според заменикот народен правобранител, Васка Бајрамовска Мустафа, постои несогласување меѓу податоците на различни институции, што ја отежнува реалната проценка на состојбата. Таа нагласува дека недостига координација и соработка меѓу институциите, што е клучна за создавање единствен систем на следење на децата корисници на дрога.

„Кога би постоела меѓуинституционална соработка за конкретен случај, ќе можевме да зборуваме за единствени бројки, а не да се сомневаме во евентуално поклопување на податоците“, изјави Бајрамовска Мустафа, додавајќи дека е потребно јакнење на институционалната комуникација и координација.

Недостиг на третман и специјализирана грижа

Истражувањето открива уште поалармантна слика – во здравствениот и социјалниот систем нема специјализирани центри, ниту стручен кадар за третман на зависност кај деца. Министерството за здравство било посочено како институција која дискриминирала деца корисници на дрога, со тоа што не обезбедила соодветен третман и не понудила долгорочни решенија.

Во моментов, децата од други градови се препраќаат исклучиво во Скопје, на Клиниката за психијатрија или на Клиниката за токсикологија, каде што им се дава само моментна помош – прочистување и смирување со медикаменти. Не постои структура за рехабилитација, одвикнување или понатамошна грижа.

„Сѐ се сведува на доаѓање, прочистување, давање лек за смирување и толку. Нема мерки за долгорочен третман“, предупредува Бајрамовска Мустафа.

Повик за итни реформи

Оваа состојба претставува аларм за надлежните институции, но и за целото општество. Неопходна е итна реформа на системот за третман на деца кои користат дроги, со формирање на специјализирани центри, обучување на кадар и воспоставување меѓуинституционална соработка. Детската зависност не е само здравствен проблем – таа е и социјална, образовна и правна криза, која бара заеднички и координиран одговор.

Секое дете заслужува втора шанса и соодветна грижа. Игнорирањето на проблемот значи одземање на таа шанса уште пред да започне животот.