26 ноември 2025
• од Станча Јаќимовски
Директорката на Националната установа „Завод и музеј“ – Битола, М.С. (53), самоволно донела одлука да се унапреди, отворајќи ново и повисоко работно место за себе, информираат од полицијата.
Според податоците од СВР Битола, директорката го укинала постојното работно место „виш кустос“ и формирала ново – „кустос советник“, позиција која претставува едно ниво повисока во хиерархијата. Оваа измена на Актот за систематизација, како што утврдила истрагата, била направена спротивно на Законот за вработените во јавниот сектор и Законот за работни односи.
Со ваквото постапување, како што наведуваат од полицијата, пријавената несовесно ги извршувала службените овластувања и ја пречекорила својата надлежност.
Против директорката е поднесена кривична пријава за делото „несовесно работење во службата“, а предметот е доставен до надлежното обвинителство за понатамошна постапка.
Ненадминливи Понуди Дневно
4.8 (10276 рецензии)
Заштедете 152.00 ден

