Директорот на Психијатриската болница: Изразувам сочувство до семејството на починатиот

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Директорот на Психијатриската болница: Изразувам сочувство до семејството на починатиот

07 август 2025

• од Станча Јаќимовски

Трагичен инцидент го потресе Одделот за лекување на осудени лица при ЈЗУ Психијатриска болница „Скопје“, каде што по физичка пресметка меѓу двајца пациенти, еден од нив го загуби животот. Директорот на установата, Хиса Авдулаи, изрази длабоко жалење и сочувство до семејството на починатиот пациент.

Настанот се случил во раните утрински часови на 5 август, околу 00:50 часот, кога дошло до физички конфликт меѓу двајца пациенти. Во текот на пресметката, 62-годишен пациент бил сериозно повреден. Медицинскиот персонал веднаш реагирал, повикал Итна медицинска помош и пациентот бил пренесен на Универзитетската клиника за ТОАРИЛУЦ. И покрај укажаната лекарска помош, кај пациентот била констатирана смрт.

„Ја информирам јавноста за несреќниот настан со трагичен исход што се случи во нашата установа. Изразувам длабоко жалење и искрено сочувство до семејството и блиските на пациентот,“ изјави директорот Авдулаи за МИА.

Според неговите зборови, настанот веднаш бил пријавен до Министерството за внатрешни работи, по што бил извршен увид на лице место од страна на надлежните служби и дежурен јавен обвинител. Се преземаат сите потребни истражни постапки за расветлување на случајот.

Другиот пациент вклучен во инцидентот моментално се наоѓа под постојан полициски надзор, во согласност со упатствата на јавниот обвинител.

Болницата, како што потенцира директорот, целосно соработува со надлежните институции и останува отворена за понатамошна транспарентност во врска со случајот.