Доаѓа уште еден топол бран – нови високи температури, но послаби од претходниот

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Доаѓа уште еден топол бран – нови високи температури, но послаби од претходниот

06 август 2025

• од Станча Јаќимовски

Жителите на Македонија повторно се подготвуваат за уште еден топол бран, кој, според прогнозите, ќе започне да пристигнува кон крајот на неделата. Иако температурите ќе се зголемат, новиот бран нема да биде толку интензивен како претходниот – не се очекува тие да достигнат или надминат 40 степени Целзиусови.

Според најновата временска прогноза од Управата за хидрометеоролошки работи (УХМР), денес не очекува претежно сончево време со мала до умерена облачност. Во попладневните часови, особено во северниот дел од земјата, можно е да се појави изолирана нестабилност проследена со краткотраен пороен дожд и грмежи.

Ќе дува умерен до повремено засилен северен ветер, кој ќе придонесе за благо освежување, особено во вечерните и утринските часови. Минималните температури утринава се движат од 11 до 18 степени, додека дневните ќе се искачат меѓу 27 и 35 степени.

Во Скопје времето ќе биде сончево со променлива облачност. Во делови од котлината попладне се можни краткотрајни врнежи од дожд со појава на грмежи. Ќе дува умерен до повремено засилен северен ветер. Температурите во главниот град ќе се движат од 16 степени наутро до 33 степени во текот на денот.

Во следните денови се очекува период на стабилно и сончево време, со постепен пораст на дневните температури. Иако новиот топол бран ќе донесе жештини, според најавите, тие нема да бидат екстремни како претходно. Сепак, се препорачува внимателност при престој на отворено во најтоплиот дел од денот, особено кај осетливите групи на граѓани.