13 декември 2025
• од Станча Јаќимовски
Македонскиот Бугарин Добре Митрев од Кавадарци на својот фејсбук профил изјави дека неодамна македонските Бугари оствариле средба со претседателот на Република Бугарија и со членови на неколку комисии во бугарскиот парламент. Според Митрев, во медиумите во Македонија се појавиле шпекулации дека целта на посетата била да се даде поддршка на претседателот Радев за формирање на нова партија. Но, тој самиот ја појасни вистинската причина за нивното патување, нагласувајќи дека тоа било патување за да се заблагодарат за помошта што Бугарија ја обезбеди за Македонија, особено во контекст на трагедијата во Кочани и спасувањето на електричниот систем на земјата.
„Не отидовме таму за политички цели, туку за да се заблагодариме за сета помош што Бугарија ја даде. Бевме таму и за да побараме зголемување на квотите за студентите од Македонија во бугарските универзитети, и за да предложиме средба на генерации студенти кои завршиле во Бугарија“, изјави Митрев.
Тој исто така нагласи дека бугарските претставници им увериле дека промената на Уставот на Македонија и почитувањето на договорот со Бугарија се клучните услови за започнување на преговорите на Македонија со Европската унија.
Во својата изјава, Митрев се осврна и на некои новинарски шпекулации кои се ширеле по средбата, велејќи дека не треба да се шират лаги и омраза, бидејќи тоа не носи добро за ниту една страна. Тој ги повика сите кои сакаат да разберат повеќе за Бугарија да разговараат со студентите кои ја посетиле и таму студирале, за да ја видат земјата од нивен агол.
Ненадминливи Понуди Дневно
4.8 (10276 рецензии)
Заштедете 152.00 ден

