Добре од Кавадарци: Не смееш да бидеш Бугарин ако сакаш иднина во Македонија

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Добре од Кавадарци: Не смееш да бидеш Бугарин ако сакаш иднина во Македонија

14 март 2025

• од Вардарски

Добре Митрев, изрази загриженост за состојбата на Бугарите во Македонија, истакнувајќи дека тие се соочуваат со секојдневна дискриминација и притисоци.

Во своето гостување во емисијата „360 степени“ на ТВ Алсат, Митрев наведе конкретни примери на дискриминација, вклучувајќи случај на девојче од Кавадарци кое, според него, било одбиено за прием во Полициската академија поради тоа што нејзиниот татко јавно се декларира како Бугарин.

„Девојче на 18-19 години од Кавадарци треба да се запише на Полициската академија и добива известување дека не ги исполнува безбедносните услови за прием, и тоа поради тоа што нејзиниот татко јавно се декларира како Бугарин. Тоа е најнов пример на дискриминација на Бугарите во Македонија“, изјави Митрев.

Запоставување на бугарските културни настани

Освен дискриминацијата, Митрев истакна и дека во Македонија се занемаруваат културните настани кои ги организира бугарската амбасада и Културно-информативниот центар. Според него, овие активности не добиваат доволно медиумско покривање, што придонесува за нивната недоволна видливост во јавноста.

„Дали некој медиум има рекламирано културен настан што го промовира бугарската амбасада во Македонија? Нема. На пример, книгата ‘Железниот светилник’ од Димитар Талев, кој е најпреведуван бугарски автор на светско ниво и е роден во Прилеп. Имаше овде театарска претстава според неговото дело, но немаше никаква реклама за тоа“, додаде Митрев.

Повик за промени

Митрев апелира до македонските власти и општеството да преземат чекори за подобрување на положбата на Бугарите во земјата и за нивна целосна интеграција без дискриминација. Според него, од суштинско значење е да се почитуваат човековите права и да се даде можност за културна и општествена видливост на бугарската заедница во Македонија.