Додека Бугарија ја слави 137-та „Лидл“ продавница, ние уште чекаме првата

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Додека Бугарија ја слави 137-та „Лидл“ продавница, ние уште чекаме првата

05 април 2025

• од Вардарски

Германскиот малопродажен гигант „Лидл“ на 12 април ќе ја отвори својата 137-та продавница во Бугарија, и тоа во населбата Тракија во Пловдив. Новиот супермаркет, лоциран на улицата „Недјалка Шилева“, зафаќа површина од над 2.500 квадратни метри и нуди современ простор за пазарење со сите удобности за модерниот потрошувач.

Она што го издвојува новиот објект е пространиот паркинг со 123 места, пристапен од два правца – булеварот „Цар Симеон“ и улицата „Недјалка Шилева“. Посетителите ќе имаат брз и лесен пристап до продавницата, со покриена зона за колички веднаш на влезот.

Во внатрешноста, купувачите ќе најдат модерна пекарница со свежо печиво, санитарни јазли прилагодени за лица со попреченост, како и уредени складишни и административни простории. Продавницата ќе работи со предпакувани производи, без обработка на месо на лице место, а касовата зона ќе вклучува шест модерни каси со подвижни ленти.

Но, додека во Бугарија „Лидл“ го достигнува бројот 137, Македонија и понатаму останува без ниту една отворена продавница од овој бренд. Иако веќе со години кружат информации и гласини за влезот на „Лидл“ на македонскиот пазар – особено со најавената инвестиција во Тетово – конкретен датум за отворање сè уште нема.

Останува надежта дека наскоро и македонските граѓани ќе добијат шанса за европско пазарење по „Лидл“ стандарди, додека соседите веќе го живеат тоа секојдневие.