Додека Бугарија гради фабрики за оружје, Македонија слави камен-темелник на маркет

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Додека Бугарија гради фабрики за оружје, Македонија слави камен-темелник на маркет

03 септември 2025

• од Станча Јаќимовски

Додека во соседна Бугарија германскиот концерн „Рајнметал“ гради две фабрики за оружје и муниција, во Македонија денес беше поставен камен-темелник на нов малопродажен објект на „Лидл“. Настанот го означи лично премиерот Христијан Мицкоски, кој ја истакна важноста на оваа инвестиција за македонската економија и за граѓаните.

Инвестиција што носи работни места и доверба

Според најавите, новиот „Лидл“ ќе се простира на 3.438 квадратни метри, со модерен продажен салон од 1.200 квадратни метри и 57 паркинг места за потрошувачите. „Ова не се само бројки, туку порака дека компанијата влегува сериозно на македонскиот пазар со визија за долгорочен раст и развој“, изјави Мицкоски.

Тој нагласи дека проектот подолго време бил заглавен, но Владата во последните 15 месеци успеала да го откочи и да го стави меѓу приоритетите. „Горди сме што идејата станува реалност. Со тоа потврдуваме дека сме Влада која решава проблеми, отстранува пречки и отвора нови можности,“ додаде премиерот.

Поддршка за домашното производство

Еден од аспектите што посебно го истакна Мицкоски е ангажманот на „Лидл“ да зголеми застапеност на македонски производи на своите полици. „Тоа е исклучително важно – не само што ја поддржуваме локалната економија, туку и градиме доверба кај потрошувачите дека македонското е најдобро,“ рече премиерот.

Симболика и споредби

Настанот има симболично значење за македонската политика и економија: додека во регионот се инвестира во тешка индустрија и воени технологии, Македонија го одбележува почетокот на една нова ера во малопродажбата. Иако споредбата со фабриките на „Рајнметал“ во Бугарија е контрастна, за домашниот пазар, отворањето на „Лидл“ претставува сигнал за стабилност, нови работни места и подобра конкурентност.