Драстичен пад на смртноста кај новороденчињата: Од 10,2 на 1,2 за една деценија

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Драстичен пад на смртноста кај новороденчињата: Од 10,2 на 1,2 за една деценија

20 ноември 2025

• од Станча Јаќимовски

Во изминатите десет години, Северна Македонија забележа значително подобрување во намалувањето на смртноста кај новороденчињата. Според податоците на Државниот завод за статистика, стапката на смртност на доенчињата во 2024 година изнесувала 1,2 смртни случаи на 1.000 живородени бебиња, додека во 2013 година таа била 10,2. Овие податоци ги објави Институтот за јавно здравје (ИЈЗ) по повод Светскиот ден на предвремено родените бебиња, пренесува Portalb.mk.

Од ИЈЗ истакнуваат дека во анализираниот период е забележан јасен позитивен тренд на намалување на смртноста кај новороденчињата. Предвременото раѓање, велат тие, претставува сериозен глобален и национален здравствен предизвик кој има големо влијание врз преживувањето и здравјето на новороденчињата. Иако Северна Македонија, како и многу други земји, се соочува со различни фактори кои го зголемуваат ризикот од предвремени породувања, последната деценија покажува значајно подобрување.

Подобрен здравствен систем и поголема поддршка за новороденчињата

Намалената смртност се должи на подобрени услови во здравствениот систем, поголема достапност до медицински услуги и унапредена неонатална грижа.

„Овој напредок треба дополнително да се зајакне преку континуирани инвестиции во перинаталната и неонаталната грижа, рано откривање на ризичните фактори, унапредување на болничките капацитети и обезбедување поддршка за семејствата“, се наведува во соопштението на ИЈЗ.

Глобални податоци: Едно од десет бебиња се раѓа предвреме

Светската здравствена организација (СЗО) информира дека секое десетто бебе во светот се раѓа пред да завршат 37 недели од бременоста. Во 2020 година, според податоците на СЗО, околу 13,4 милиони бебиња биле родени предвремено. Компликациите од предвременото раѓање се водечка причина за смрт кај децата под петгодишна возраст, со околу 900.000 смртни случаи во 2019 година.

Повеќе смртни случаи отколку раѓања во вториот квартал од 2025 година

Во Северна Македонија во второто тримесечје од 2025 година е регистриран негативен природен прираст. Бројот на родени бебиња се намалил, додека бројот на починати лица се зголемил во споредба со истиот период од претходната година.