Дрска кражба кај Драчево: Уништена железничка инфраструктура, штетата се проценува на 5 милиони евра!

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Дрска кражба кај Драчево: Уништена железничка инфраструктура, штетата се проценува на 5 милиони евра!

25 јули 2026

• од Темелко Тошев

Крадците превртеле два трансформатори тешки над 30 тони за да ги извадат бакарните намотки. Електровлечната подстаница е целосно надвор од функција.

Кражба од огромни размери и тешко оштетување на критичната инфраструктура се случила во електровлечната подстаница Драчево, лоцирана меѓу железничките станици Лисиче и Драчево. Според информациите од „Македонски Железници – Инфраструктура“, непознати сторители целосно ја уништиле електроенергетската опрема, предизвикувајќи штета која првично се проценува на фрапантни 5 милиони евра.

Крадците демонстрирале невидена дрскост и организираност. Насилно биле превртени два масивни трансформатори, секој тежок повеќе од 30 тони. Притоа, сторителите го истуриле трансформаторското масло со цел да ги украдат вредните бакарни намотки. Покрај ова, однесени се и бакарни жици, шини, како и останата опрема која е од витално значење за работата на подстаницата.

Поради овој вандалски чин, подстаницата Драчево во моментов е целосно нефункционална, што претставува сериозен удар за железничкиот сообраќај и инфраструктура во овој дел од земјата.

Од „МЖ Инфраструктура“ алармираат дека ова не е обична кражба, туку директен и сериозен напад врз државната критична инфраструктура.

Од компанијата бараат итна и темелна истрага од страна на надлежните органи, како и строга кривична одговорност. Тие инсистираат пред лицето на правдата да бидат изведени не само директните извршители, туку и сите оние кои се вклучени во понатамошниот синџир на откуп и препродавање на украдените материјали.

Полицијата работи на расчистување на случајот и откривање на сторителите на оваа милионска кражба.