Државна поддршка или занемарување: Состојбата на пожарникарските служби во С. Македонија

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Државна поддршка или занемарување: Состојбата на пожарникарските служби во С. Македонија

27 март 2025

• од Гоце Кически

Интервенцијата на кочанските пожарникари во гаснењето на пожарот и спасувањето на младите лица во дискотеката „Пулс“ остави траен белег, како поради нивната храброст, така и поради последиците од трагедијата. Десетина дена подоцна, шокот од огнената стихија и понатаму е присутен, иако пожарникарите имаат искуство со бројни слични предизвици.

Тројца пожарникари се здобија со изгореници и проблеми со дишните патишта. Двајца се со полесни повреди, а командирот на ТППЕ – Кочани, Драган Апостолов, заврши на Клиниката за токсикологија во Скопје поради вдишување отровен чад и телесни повреди. Неговата здравствена состојба е стабилна, и се очекува следната недела да биде пуштен на домашно лекување.

И покрај ограничените ресурси, пожарникарите од Кочани, заедно со колегите од соседните општини, спречија трагедијата да добие поголеми размери. Нивната работа доби признание од претседателката Гордана Силјановска Давкова, која ги посети и им изрази благодарност за пожртвуваноста.

Недостиг на ресурси и предизвици

ТППЕ – Кочани со години се соочува со недостиг на кадар и опрема. Моментално имаат само 16 вработени, иако законскиот минимум за опслужување на оваа територија е 33. Овие пожарникари не само што интервенираат во Кочани, туку се повикуваат и во Зрновци и Чешиново-Облешево. Блок-дотацијата од Министерството за внатрешни работи е само 10,5 милиони денари годишно, што е недоволно за модернизација на возниот парк и набавка на опрема.

Командирот Апостолов укажува дека голем дел од возниот парк е стар, добиен како донација, а сервисирањето е тежок товар за општинскиот буџет.

Недостаток на едукација

Претседателот на Доброволното противпожарно друштво, Златко Илијев, истакнува дека недоволната едукација за пожарна безбедност е клучен проблем. Неправилното користење на противпожарен апарат во дискотеката „Пулс“ дополнително ја влошило ситуацијата. „Едукацијата на населението е од суштинско значење за превенција и минимизирање на последиците од вакви трагедии“, потенцира Илијев.

Лични трагедии

Трагедијата ги погоди и самите пожарникари. Меѓу најтешките случаи е брачниот пар Антови, членови на Доброволното противпожарно друштво, кои ја изгубија својата единствена ќерка во пожарот.

Оваа година, ТППЕ – Кочани досега има извршено 58 интервенции, вклучувајќи шумски пожари, пожари на објекти и помош во сообраќајни несреќи. Последниот трагичен настан е потсетник за значењето на пожарникарската служба и потребата од посериозна поддршка и инвестиции.