ДСМ: МВР наместо борец против криминал, стана сервис за партиски бизниси на ВМРО-ДПМНЕ

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

ДСМ: МВР наместо борец против криминал, стана сервис за партиски бизниси на ВМРО-ДПМНЕ

30 јуни 2025

• од Станча Јаќимовски

Секој нов тендер на Министерството за внатрешни работи сѐ повеќе наликува на скандал со сите елементи на корупција и партиски клиентелизам.

Под раководство на актуелниот министер Панче Тошковски, МВР доделило милионски тендер за организирање возачки испити во Пелагонискиот регион на новоформираната компанија „Супер Возач“, зад која, според информациите, стои функционерот на ВМРО-ДПМНЕ и советник во Општина Кичево, Филип Митрески.

Спорно е што фирмата „Супер Возач“ била регистрирана само три месеци пред да се распише тендерот, што фрла сериозни сомнежи за корупција и однапред договорени зделки. Со добивањето на овој тендер, компанијата практично стекнува монопол врз организирањето на возачки испити во трите најголеми градови од регионот — Битола, Прилеп и Ресен — што претставува профитабилен јавен бизнис.

Постои основано сомнение дека тендерот бил однапред наместен и дека целата процедура е креирана за да обезбеди приход за структури блиски до владејачката партија. Ваков модел на доделување јавни услуги на нови и неискусни фирми, контролирани од партиски кадри, според експертите претставува класичен пример на партиски грабеж и злоупотреба на јавните ресурси.

Ова е веќе втор сомнителен тендер поврзан со МВР во кус период, по скандалот со набавката на униформи. Наместо да се справува со криминалот, Министерството за внатрешни работи сѐ повеќе се претвора во извор на корупција, обвинуваат од опозициската СДСМ.

Од таму бараат итна реакција на надлежните институции:

Државната комисија за спречување на корупцијата да отвори предмет и да го испита целиот процес;
Основното јавно обвинителство да покрене постапка по допрен глас.

„Македонија не смее да биде плен на организиран партиски грабеж. Институциите мора да постапат, а одговорност мора да има – и ќе има“, порачуваат од СДСМ.