ДУИ алармира: „Српскиот свет“ и руското влијание се шират под власта на Мицкоски

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

ДУИ алармира: „Српскиот свет“ и руското влијание се шират под власта на Мицкоски

18 септември 2025

• од Станча Јаќимовски

Демократската унија за интеграција (ДУИ) изразува длабока загриженост за најновите случувања кои, според нив, јасно ја потврдуваат зголемената пенетрација на „српскиот свет“ и руското влијание во Република Северна Македонија под водство на актуелната влада предводена од Христијан Мицкоски и коалицијата ВМРО-ДПМНЕ–ЗНАМ–ВЛЕН.

Случајот со Милош Биковиќ

ДУИ го истакнува како алармантен пример неодамнешниот случај со српско-рускиот актер Милош Биковиќ. Премиерот Мицкоски јавно го пречека Биковиќ, го претстави како „син на Берово“ и ја пофали неговата иницијатива за инвестирање во туристички комплекс. Но, според ДУИ, не може да се игнорираат неговите блиски врски со Белград и Москва:

Биковиќ самиот изјавил дека рускиот претседател Владимир Путин му рекол дека учествувал во преземањето на аеродромот во Слатина, Приштина – епизода што се смета за демонстрација на руската сила на Балканот по НАТО-бомбардирањата, која подоцна ја поврза со својот пропаганден филм „Балканска меѓа“;
Во 2023 година лично од Путин доби руско државјанство, а со тоа стана една од најзначајните фигури на руската „мека моќ“ преку уметноста, филмот и медиумите.

Опасност по евроатлантскиот курс

ДУИ смета дека овие факти јасно покажуваат отвореност на државата кон надворешни влијанија што го загрозуваат евроатлантскиот курс на земјата. Според нив, ваквите инвестиции, иако се претставени како економски или културни проекти, во суштина претставуваат канали за легитимирање на српско-руските наративи во Македонија и нивна нормализација како дел од националниот идентитет.

Алармантен сигнал

ДУИ предупредува дека:

обидите за културна и политичка пенетрација од Белград и Москва не се тајни, туку се легитимираат од самата влада;
овие процеси претставуваат ризик за општественото единство, меѓуетничките односи и евроатлантската перспектива на државата.

Апел до граѓаните и меѓународната заедница

ДУИ им упатува апел на граѓаните, институциите и меѓународните партнери да бидат свесни за овие процеси и да не дозволат враќање назад кон „српскиот свет“ и руското влијание.

„Вистинскиот национален и државен интерес е само европскиот и евроатлантскиот пат и зачувувањето на добрите меѓуетнички односи како гаранција за внатрешната стабилност“, стои во соопштението.

ДУИ нагласува дека останува целосно посветена на оваа насока и ќе продолжи да разобличува секој обид за оддалечување на Македонија од нејзината стратешка евроатлантска ориентација.