ДУИ: Албанците систематски се исклучуваат од безбедносните институции

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

ДУИ: Албанците систематски се исклучуваат од безбедносните институции

13 мај 2025

• од Вардарски

Демократската унија за интеграција (ДУИ) изразува длабока загриженост за најновите случувања во Министерството за внатрешни работи и Армијата на Република Северна Македонија, каде што систематски и континуирано се врши деградација и исклучување на Албанците од раководни функции.

Најновиот случај со разрешувањето на сите албански заменик-шефови и поставувањето роднини на градоначалникот во Полициската станица Бутел претставува не само институционален скандал, туку и сериозен аларм за враќање на ексклузивитетот и дискриминацијата во еден од најчувствителните сектори – безбедноста.

Особено е загрижувачки фактот што ваквиот потег се случува токму во Бутел – една од најмултиетничките општини во Скопје, каде што Албанците сочинуваат значаен дел од населението.

Едноетничките и партиски мотивирани именувања во безбедносните структури, како и понижувачката деградација на професионалните полициски кадри од албанска етничка припадност, го подриваат принципот на инклузивност – клучен столб на Охридскиот рамковен договор.

Токму правичната застапеност и учество на Албанците во полицијата и армијата беа предуслов за стабилизирање на меѓуетничките односи по 2001 година.

Денес сме сведоци на обратен процес: демонтажа на механизмите за рамнотежа, што води кон враќање на недовербата и чувството на исклученост кај еден цел народ.

ДУИ апелира до Владата на Република Северна Македонија, до Министерството за внатрешни работи, како и до меѓународната заедница – особено до гарантите на Охридскиот договор – итно и недвосмислено да реагираат.

Секторот за безбедност не смее да стане алатка за етничка доминација и политичка одмазда.

Ова не е само прашање на кадровска политика – ова е прашање на стабилност, доверба и иднина на заедничката држава.