ДУИ: Албанците системски исклучени од Министерството за енергетика

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

ДУИ: Албанците системски исклучени од Министерството за енергетика – од 20 вработени, само 1 Албанец

24 јули 2025

• од Станча Јаќимовски

ДУИ со длабока загриженост реагира на, како што ја нарекува, скандалозната практика на Министерството за енергетика, рударство и минерални ресурси, каде според официјалните податоци, од последните вработувања 19 се Македонци, а само 1 е Албанец.

ДУИ оценува дека ова не претставува административен пропуст или бирократска случајност, туку свесно и систематско исклучување на Албанците, поддржано од јасна политичка волја. Според партијата, оваа неправда произлегува директно од политичката програма на, како што ја нарекуваат, нелегитимната влада, која го укина механизмот на „балансерот“ – клучен инструмент за фер и соодветна застапеност на сите етнички заедници во јавната и државната администрација.

ДУИ обвинува дека владата презема опасни чекори за уривање на темелите на меѓуетничката еднаквост во државата, дејствувајќи како политички апарат што фаворизира етнички ексклузивитет на сметка на инклузијата и еднаквоста, кои се загарантирани со Уставот на Република Северна Македонија.

Понатаму, ДУИ оваа состојба ја нарекува флагрантно кршење на Охридскиот рамковен договор, уставниот поредок и основните демократски принципи. Исклучувањето на Албанците од институциите, според нив, не е само неправда, туку и дестабилизирачки чин што ги поткопува темелите на мултиетничката држава и евроатлантскиот пат на земјата.

ДУИ бара итна корекција на оваа дискриминација, враќање на уставниот балансер како гаранција за еднаквост и целосна транспарентност во составот на сите јавни и државни институции.

„Ќе останеме на чело на борбата за целосна еднаквост, институционална правда и заштита на колективните права на Албанците во секој сектор од државата“, порачуваат од ДУИ.