ДУИ: Албанската култура е маргинализирана од Министерството за култура

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

ДУИ: Албанската култура е маргинализирана од Министерството за култура

24 мај 2025

• од Вардарски

Бурна реакција доаѓа од страна на Демократската унија за интеграција (ДУИ) по последните кадровски решенија во Министерството за култура. Во својот најнов став, ДУИ изразува длабока загриженост и остро го осудува, како што го нарекуваат, систематското исклучување на Албанците од културните институции во Северна Македонија.

Според партијата, во последното кадровско унапредување од страна на Министерството за култура, од вкупно 12 нови поставувања, само едно му припаѓа на Албанец — и тоа на позиција од пониско рангирано ниво. Овој потег се толкува како јасен доказ за свесна политика на маргинализација на албанското културно присуство во државните институции.

ДУИ алармира дека повеќе од една година не е вработено ниту едно ново лице во културни институции предводени од Албанци. Културните ансамбли, како што велат, се во целосен распад, уметниците се турнати на маргините, институциите се безживотни, без инвестиции и без јасна визија за иднината.

Особено загрижувачки, велат од партијата, е статусот на Музичкиот ансамбл, кој е оставен како симболичен реликт – без поддршка и без перспектива.

ДУИ исто така посочува дека одговорноста не паѓа исклучиво врз Министерството за култура, туку и врз политичкиот субјект Влен, кој според нив, не успеал да ги заштити интересите на албанската култура и се задоволил со улогата на „тивка фасада“ пред ваквиот институционален дискриминациски однос.

Партијата апелира до јавноста, до уметниците, интелектуалците и сите релевантни фактори да се приклучат во реакцијата против, како што го нарекуваат, организираниот процес на маргинализација.

„Не може да постои функционална и демократска држава ако еден дел од населението е исклучен од културниот и институционалниот простор,“ порачуваат од ДУИ. „Културата е идентитет. Нејзиното бришење е напад врз соживотот и еднаквоста.“

ДУИ најавува дека ова прашање ќе го отвори на сите институционални и меѓународни нивоа, со цел да се запре, како што велат, намерната деградација на албанското културно наследство во земјата.