ДУИ бара итна истрага за трагедијата во Кочани и крај на селективната правда

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

ДУИ бара итна истрага за трагедијата во Кочани и крај на селективната правда

11 април 2025

• од Гоце Кически

Демократската унија за интеграција (ДУИ) излезе со остра осуда на потегот на Јавниот обвинител Коцевски и министерот за внатрешни работи Тошковски, кои вчера потпишаа меморандум за соработка во борбата против корупцијата. Во реакцијата, ДУИ оценува дека потпишувањето на овој документ е „горчлива иронија за правдата и симбол на заробената држава“, особено во контекст на неодамнешната трагедија во Кочани.

Од партијата велат дека „место да се потпишуваат меморандуми и да се прави фото-сесија, требало да се види сцена на истрага“, алудирајќи дека министерот за внатрешни работи треба да сноси одговорност поради улогата на Министерството во настаните кои доведоа до пожарот во ноќниот клуб во Кочани. Според ДУИ, клубот работел без дозвола повеќе од една година, со знаење на локалната полиција, а истовремено постоеле сериозни пријави за прекршувања – вклучувајќи присуство на малолетници, употреба на наркотици и пиротехнички средства.

Како резултат на овој пропуст, настрадаа над 60 лица, а повеќе од 200 беа повредени. Од ДУИ сметаат дека власта, наместо да признае одговорност и да преземе мерки за санкционирање, продолжува со избегнување на каква било морална или правна одговорност. Во партиското соопштение стои дека ова „ја зацврстува перцепцијата за заробена држава“, каде што правдата е селективна и политички диктирана.

ДУИ бара Јавното обвинителство да постапува независно и без политички влијанија, брзо да ги истражи пропустите на сите нивоа во полицијата и во Министерството за внатрешни работи, како и „да ја донесе правдата за семејствата на жртвите и за сите граѓани на Република Северна Македонија“. Партијата порачува дека „правдата не смее да биде само медиумски настап, туку конкретна реалност за сите граѓани“.

„Семејствата на жртвите и граѓаните заслужуваат вистински одговори и правичност, а не празни меморандуми, лажни ветувања и жртвени јарци“, пишува ДУИ во своето соопштение, повикувајќи „итно да се стави крај на селективната правда и да се спроведат сериозни реформи во институциите, за да се спречат идни трагедии и да се врати довербата на јавноста во правниот систем“.