ДУИ бара политичка одговорност по фашистички повици на натпревар во Куманово

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

ДУИ бара политичка одговорност по фашистички повици на натпревар во Куманово

11 август 2025

• од Станча Јаќимовски

Настанот што се случи за време на кошаркарскиот натпревар помеѓу Република Северна Македонија и Романија во Куманово, каде што од дел од публиката се слушнале фашистички и етнички навреди, предизвика остри реакции од Демократската унија за интеграција (ДУИ).

Во соопштение на партијата, пренесено интегрално од МИА, членот на Централното претседателство Емир Сулејмани изјави дека не станува збор за обичен спортски инцидент, туку за „ужасна манифестација на етничка омраза“ која, според него, била толерирана од највисоките државни функционери присутни во салата, меѓу кои премиерот Христијан Мицкоски, градоначалникот на Куманово Максим Димитриевски, министерот за внатрешни работи Панче Тошковски и други.

Сулејмани потсети дека, наместо спортска атмосфера, салата одекнувала од пораки како „Добар шиптар е мртов шиптар“, „Гасна комора за шиптарите“ и „Чиста Македонија“. „Овие слогани нè потсетуваат на најмрачните страници од европската историја и не смеат да се оправдуваат како ‘навивачки прашања’“, нагласи тој.

ДУИ остро реагира на, како што велат, „целосното институционално молчење и толеранција“ – без реакции од Кошаркарската федерација, МВР, организаторите или Владата.

Партијата бара итни оставки од заменик-министерот за внатрешни работи Асрит Исени и заменик-министерката за спорт Сафие Садики Шаини поради „неспособност и пропуст да реагираат“.

ДУИ, исто така, апелира до сите албански претставници во Владата:

јавно да се дистанцираат од настанот,
да побараат сериозни санкции на следната владина седница, и
да се повлечат од Влада која, според партијата, „толерира и наградува омраза“.

„Ако молчењето е цената за останување на власт – тогаш молчењето е предавство. Ние нема да молчиме,“ стои во пораката на Сулејмани, со најава дека ДУИ ќе биде на чело на политичката, институционалната и граѓанската реакција „сè додека не дојде до правда, одговорност и казна“.