ДУИ бара вклучување на албанската култура во манифестацијата „Охридско лето“

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

ДУИ бара вклучување на албанската култура во манифестацијата „Охридско лето“

14 јули 2025

• од Станча Јаќимовски

Демократската унија за интеграција (ДУИ) изрази остра реакција на годинешната програма на државната манифестација „Охридско лето“, поради, како што велат, целосното изоставување на албанската култура и уметници од официјалните содржини.

„Оваа година, државната манифестација ‘Охридско лето’, финансирана од јавните институции на земјата, се одржува без никаква застапеност на албанската култура во официјалната програма. Во земја каде што Албанците сочинуваат значаен дел од населението и културниот живот, целосното исклучување на кој било албански елемент од национален фестивал е неприфатливо и вознемирувачко“, наведуваат од партијата.

ДУИ посочува дека иако програмата на фестивалот вклучува бројни концерти, театарски претстави и културни вечери посветени на различни европски култури, не е предвидена ниту една активност што ја претставува албанската уметност, традиција или современо творештво.

Според партијата, ова претставува „културна тишина“ што има силна исклучувачка симболика и укажува на системска маргинализација на албанската култура во рамки на државните институции. ДУИ потсетува на иронијата што фестивалот беше отворен во присуство на претседателот на Република Албанија, Бајрам Бегај, но тоа не резултирало со вклучување на ниту еден елемент од албанската културна сцена.

„Албанската култура е и треба да биде природен дел од секој културен настан на национално ниво. Неговото отсуство на ваква манифестација не е организациско прашање, туку индикатор за исклучива политика што се вкоренува во институционалниот систем на културата“, стои во соопштението.

ДУИ бара објаснување од надлежните – Владата, Министерството за култура и организаторите на фестивалот – за тоа како дошло до вакво целосно изоставување на албанската културна компонента.

„ДУИ ќе продолжи да ја брани културната разновидност и достојната застапеност на албанската култура на сите институционални нивоа, со убедување дека културата не е исклучива, туку столб на коегзистенцијата и општествениот развој“, се вели во завршницата на реакцијата.